Day: 1 June 2024

ചെന്നൈ : തമിഴ്‌നാട്ടിൽ കഴിഞ്ഞവർഷം ഇരുചക്രവാഹനാപകടങ്ങളിൽ 8,113 പേരുടെ ജീവൻ പൊലിഞ്ഞു. 2022-ൽ 7,626 പേരാണ് മരിച്ചത്. ഒറ്റവർഷംകൊണ്ട് മരണസംഖ്യയിൽ ആറുശതമാനമാണ് വർധന. സംസ്ഥാന ക്രൈം റെക്കോഡ് ബ്യൂറോ പുറത്തുവിട്ട കണക്കാണിത്. 2023-ൽ സംസ്ഥാനത്തുണ്ടായ വാഹനപകടങ്ങളിലായി മൊത്തം മരിച്ചത് 18,347 പേരാണ്. ഇതിൽ ഇരുചക്രവാഹനാപകടമരണംമാത്രം 44 ശതമാനം വരും. ഇതിൽത്തന്നെ ഹെൽമെറ്റ് ധരിക്കാതെ മരിച്ചവർ 2,426 പേരാണ്‌. മൊത്തമുള്ള മരണത്തിന്റെ 29 ശതമാനമാണിത്. 2022-ൽ ഹെൽമെറ്റ് ധരിക്കാത്തതുമൂലമുള്ള മരണം 2,477 ആയിരുന്നു. 2023-ൽ ഹെൽമെറ്റ് ധരിക്കാതെ ഏറ്റവുംകൂടുതൽ മരണമുണ്ടായത് ചെന്നൈക്കടുത്ത തിരുവള്ളൂരിലാണ്-157. തൊട്ടുപിറകിൽ കോയമ്പത്തൂരും-155.…

ചെന്നൈ : തമിഴ്നാട്ടിൽ അനധികൃതമായി മുലപ്പാൽ വിൽപ്പന നടത്തിയ മരുന്നുകടയ്ക്ക് ഭക്ഷ്യസുരക്ഷാവകുപ്പ് അധികൃതർ മുദ്രവെച്ചു. മാധാവരം കെ.കെ.ആർ. ഗാർഡന് സമീപം സെബിയം മുത്തയ്യ നടത്തിയ മരുന്നുകടയിൽനിന്നാണ് 200-ലേറെ കുപ്പി മുലപ്പാൽ പിടിച്ചെടുത്തത്. സംസ്കരിച്ച മുലപ്പാൽ ഓൺലൈൻവഴിയാണ് വിൽപ്പന നടത്തിയിരുന്നത്. 50 മില്ലീലിറ്റർ മുലപ്പാലിന് 500 രൂപയാണ് ഈടാക്കിയത്. ഏപ്രിലിലാണ് വിൽപ്പന ആരംഭിച്ചതെന്നും അന്വേഷണത്തിൽ കണ്ടെത്തിയായി അധികൃതർ പറഞ്ഞു. തമിഴ്‌നാടിന്റെ തെക്കൻജില്ലകളിലെ സ്വകാര്യ ആശുപത്രികളിലേക്കാണ് വിൽപ്പന നടത്തിയിരുന്നത്. മുലപ്പാൽ എവിടെനിന്നാണ് സംസ്കരിച്ചതെന്നും സംസ്കരിക്കാനുള്ള മാനദണ്ഡങ്ങൾ കൃത്യമായി പാലിച്ചിരുന്നോയെന്നും പരിശോധിക്കും. കട നടത്തിയയാളെ തിരയുന്നുണ്ട്. തമിഴ്‌നാട്ടിലെ 35…

ചെന്നൈ : വൈവാഹിക വെബ്സൈറ്റുകളിൽനിന്ന് വിവരങ്ങൾ ചോർത്തി പണം തട്ടിയെടുക്കുന്ന സംഘം വ്യാപകമെന്ന് തമിഴ്‌നാട് പോലീസ്. തട്ടിപ്പിനിരയാകാതെ ജനങ്ങൾ ജാഗ്രതപാലിക്കണമെന്നും നിർദേശം നൽകി. വൈവാഹിക വെബ്സൈറ്റുകളിൽ രജിസ്റ്റർചെയ്തവരുടെ വിവരങ്ങളാണ് സൈബർ കുറ്റവാളികൾ അനധികൃതമായി ചോർത്തിയെടുക്കുന്നത്. തുടർന്ന് അവരുമായി പരിചയപ്പെട്ട് ഓൺലൈനിലൂടെ പണം തട്ടിയെടുക്കുകയാണ് സംഘത്തിന്റെ രീതിയെന്ന് വെല്ലൂർ സൈബർ ക്രൈം പോലീസ് അറിയിച്ചു. കഴിഞ്ഞ രണ്ടുമാസത്തിനിടെ വെല്ലൂരിൽമാത്രം ഇത്തരത്തിൽ നാല് തട്ടിപ്പുകേസുകളുണ്ടായി. വൈവാഹിക സൈറ്റുകളിൽനിന്ന് വിവരങ്ങൾ ചോർത്തി ഉപഭോക്താക്കളുടെ വിലാസവും ഫോൺനമ്പറും ശേഖരിച്ച് വിവാഹംകഴിക്കാനെന്ന വ്യാജേന വിളിച്ചാണ് തട്ടിപ്പുനടത്തുക. വോയ്‌സ് മോഡുലേഷൻ സോഫ്റ്റ്‌വേർ ഉപയോഗിച്ചുമാത്രമാണ്…

ചെന്നൈ : തമിഴ്‌നാട്ടിനെ രാജ്യത്തെ കായിക തലസ്ഥാനമാക്കി ഉയർത്താൻ വിപുലമായ നടപടികളുമായി സംസ്ഥാന സർക്കാർ. മുഖ്യമന്ത്രി എം.കെ. സ്റ്റാലിൻ നടപ്പാക്കിയ എണ്ണമറ്റ കായിക വികസന പദ്ധതികളിലൂടെ ലക്ഷ്യം നേടുമെന്നാണ് പ്രതീക്ഷ. കായിക വകുപ്പ് മന്ത്രിയായി ചുമതലയേറ്റ ഉദയനിധി സ്റ്റാലിൻ ഈ മേഖലയിൽ മുന്നേറ്റങ്ങൾ കാഴ്ച വെക്കുകയാണ്. മൂന്ന് വർഷത്തിനകം 1000 കോടിയിലധികം രൂപയാണ് മുഖ്യമന്ത്രി കായിക വകുപ്പിന് അനുവദിച്ചത്. നെഹ്റുസ്റ്റേഡിയം, ഇൻഡോർ സ്പോർട്സ് സ്റ്റേഡിയം, മേയർ രാധാകൃഷ്ണൻ ഹോക്കി സ്റ്റേഡിയം, ടെന്നീസ് സ്റ്റേഡിയം, നീന്തൽക്കുളങ്ങൾ തുടങ്ങിയവ ലോകനിലവാരത്തലേക്ക് ഉയർത്തുന്ന തരത്തിൽ ആധുനിക സൗകര്യങ്ങളും നവീകരണ…