Day: 23 September 2024

ചെന്നൈ : തമിഴ്‌നാടിന്റെ ഏതാനും ഭാഗങ്ങളിൽ ഞായറാഴ്ച രാവിലെ നേരിയ ഭൂചലനം അനുഭവപ്പെട്ടു. നാശനഷ്ടങ്ങളൊന്നുമുണ്ടായില്ല. തിരുനെൽവേലി ജില്ലയിൽ മണിമുത്താർ, അംബാസമുദ്രം, പാപനാശം, കല്ലിടൈക്കുറിച്ചി പ്രദേശങ്ങളിലാണ് രാവിലെ 11.55 -ഓടെ കമ്പനങ്ങളുണ്ടായത്. പശ്ചിമ ഘട്ടത്തോട് ചേർന്നുള്ള സ്ഥലങ്ങളാണിവ.

ചെന്നൈ : ഓണത്തിനുപിന്നാലെ പൂജാ അവധിയുടെ യാത്രാത്തിരക്കും മുതലാക്കാൻ കഴുത്തറപ്പൻ നിരക്കുമായി സ്വകാര്യബസുകൾ. പൂജയോടടുത്ത ദിവസങ്ങളിൽ ചെന്നൈയിൽനിന്ന് എറണാകുളത്തേക്ക് 4000 രൂപവരെയാണ് ഈടാക്കുന്നത്. ഒക്ടോബർ പത്തിനുപുറപ്പെടുന്ന ബസുകളിലാണ് ടിക്കറ്റുനിരക്ക് കുത്തനെ ഉയർത്തിയിരിക്കുന്നത്. തീവണ്ടികളിലെ ടിക്കറ്റുകൾ നേരത്തേതന്നെ തീർന്നതാണ് സ്വകാര്യബസുകൾ മുതലെടുക്കുന്നത്. ചെന്നൈയിൽനിന്ന് എറണാകുളംവരെ കെ.എസ്.ആർ.ടി.സി. ബസിലെ നിരക്ക് 1741 രൂപയാണ്. എ.സി. ബസാണെങ്കിലും ഇത് സ്ലീപ്പറല്ല. സ്വകാര്യബസുകളിൽ മിക്കതും സ്ലീപ്പറാണ്. എന്നാൽ സ്വകാര്യ സെമിസ്ലീപ്പർ ബസുകളിൽപ്പോലും 3000 രൂപവരെ ഈടാക്കുന്നുണ്ട്. സ്ലീപ്പറുകളിൽ മിക്കതിലും 3000-3500 രൂപയാണ് നിരക്ക്. ഫ്ലക്സി ടിക്കറ്റ് എന്നുപറഞ്ഞാണ് 4000 രൂപവരെ…

ചെന്നൈ : ഒക്ടോബർ ഒന്നുമുതൽ 15 വരെയും 25 മുതൽ നവംബർ 10 വരെയും തീവണ്ടികളിൽ പ്രത്യേക ടിക്കറ്റ് പരിശോധന നടത്താൻ റെയിൽവേ ബോർഡ് സോണുകൾക്ക് നിർദേശം നൽകി. പൂജ, ദീപാവലി എന്നിവയോടനുബന്ധിച്ച് യാത്രക്കാരുടെ എണ്ണം ഗണ്യമായി വർധിക്കും. ഈ സമയങ്ങളിൽ ടിക്കറ്റ് എടുക്കാതെയും വെയ്റ്റിങ് ലിസ്റ്റ് ടിക്കറ്റുമായും യാത്രചെയ്യുന്നവരെ പിടികൂടും. എമർജൻസി ക്വാട്ടയിലും മുതിർന്ന പൗരർ, കാൻസർ ബാധിതർ എന്നിവർക്കായും നീക്കിവെച്ചിട്ടുള്ള ബർത്തുകൾ അർഹതയില്ലാത്തവർക്ക് നൽകുന്നുണ്ടോയെന്നും പരിശോധിക്കും. ടിക്കറ്റ് പരിശോധനയ്ക്കായി നിയോഗിക്കപ്പെടുന്ന ഉദ്യോഗസ്ഥരോടൊപ്പം ആർ.പി.എഫ്. സേനാംഗങ്ങളുമുണ്ടാകും. ഇളവുലഭിക്കേണ്ടവർ അർഹതയുള്ള തിരിച്ചറിയൽകാർഡ് കൈയിൽ കരുതിയിട്ടുണ്ടോയെന്നും…

ചെന്നൈ മെട്രോ റെയിൽ കോർപ്പറേഷൻ്റെ രണ്ടാം ഘട്ടത്തിനായി 36 ഡ്രൈവറില്ലാ 3 കോച്ച് മെട്രോ ട്രെയിനുകൾ വിതരണം ചെയ്യുന്നതിനായി അൽസ്റ്റോം ട്രാൻസ്‌പോർട്ട് ഇന്ത്യ 1,215 കോടിയുടെ കരാറിൽ ഒപ്പുവെച്ചു. നിർമ്മാതാക്കളായ അൽസ്റ്റോം ട്രാൻസ്‌പോർട്ട് ഇന്ത്യ കഴിഞ്ഞ ഫെബ്രുവരിയിൽ ശ്രീസിറ്റിയിൽ ഡ്രൈവറില്ലാ മെട്രോ ട്രെയിനിനുള്ള കോച്ചുകളുടെ നിർമ്മാണം ആരംഭിച്ചിരുന്നു. ആദ്യ മെട്രോ ട്രെയിൻ കോച്ചിൻ്റെ നിർമാണം ആരംഭിച്ചതോടെ കോച്ചിലെ വിവിധ ഉപകരണങ്ങൾ ഘടിപ്പിക്കുന്ന ജോലികൾ നടന്നു. അതിനുശേഷം ആദ്യ ഡ്രൈവറില്ലാ മെട്രോ ട്രെയിനിൻ്റെ എല്ലാ ജോലികളും വിജയകരമായി പൂർത്തിയാക്കി. എല്ലാ സ്റ്റാൻഡേർഡ് ടെസ്റ്റുകളും പൂർത്തിയാക്കിയ ശേഷം…