Month: January 2024

ചെന്നൈ: തഞ്ചാവൂരില്‍ ഉണ്ടായ കാര്‍ ഡിവൈഡറിലിടിച്ച്‌ ഉണ്ടായ അപകടത്തിൽ നാല് പേര്‍ മരിക്കുകയും ഏഴ് പേര്‍ക്ക് ഗുരുതര പരിക്കേല്‍ക്കുകയും ചെയ്തു. ഇന്ന് പുലര്‍ച്ചെ വേളാങ്കണ്ണിയിലേക്കുള്ള യാത്രയ്ക്കിടെയാണ് അപകടം സംഭവിച്ചത്. നിയന്ത്രണം നഷ്ടപ്പെട്ട വാഹനം ഡിവൈഡറില്‍ ഇടിക്കുകയായിരുന്നു. ഇവരെ ഉടൻതന്നെ സമീപത്തെ ആശുപത്രിയിലേക്ക് മാറ്റി. തൂത്തുക്കുടി ഇന്ദിരാനഗര്‍ സ്വദേശികളാണ് അപകടത്തില്‍പെട്ടത്. ഡ്രൈവര്‍ ഉറങ്ങിപ്പോയതാകാം അപകടകാരണമെന്നാണ് പ്രാഥമിക നിഗമനം. പോലീസ് സംഭവസ്ഥലത്തെത്തി പരിശോധന നടത്തുകയാണ്.

ചെന്നൈ: ചെന്നൈയിലെ തേനാംപേട്ട മുതൽ സൈദാപേട്ട് വരെയുള്ള അണ്ണാശാലയിൽ 621 കോടി രൂപ ചെലവിൽ നിർമിക്കുന്ന 3.2 കിലോമീറ്റർ നീളവും നാലുവരി എലിവേറ്റഡ് മേൽപ്പാലത്തിന്റെ നിർമാണം മുഖ്യമന്ത്രി എം.കെ. സ്റ്റാലിൻ ഉദ്ഘാടനം ചെയ്തു. എൽഡംസ് റോഡ്, എസ്‌ഐഇടി കോളേജ്, സിനോടാഫ് റോഡ്, നന്ദനം, സിഐടി നഗർ മൂന്ന്, ഫസ്റ്റ് മെയിൻ റോഡുകൾ, ടോഡ് ഹണ്ടർ നഗർ-ജോൺസ് റോഡ് എന്നിവിടങ്ങളിൽ വാഹനമോടിക്കുന്നവരെ എളുപ്പത്തിൽ മറികടക്കാൻ സഹായിക്കുന്നതാണ് മേൽപ്പാലം. 14 മീറ്റർ വീതിയിലാണ് മേൽപ്പാലം. മന്ത്രിമാരായ ഇ.വി. വേലുവും മാ. സുബ്രഹ്മണ്യൻ, മുതിർന്ന ഉദ്യോഗസ്ഥർ എന്നിവർ ചടങ്ങിൽ…

ചെന്നൈ: ബിജെപി സംസ്ഥാന പ്രസിഡണ്ട് അണ്ണാമലൈയുടെ അസഭ്യപ്രയോഗം തമിഴ്നാട്ടിൽ പാർട്ടിയെ കുഴപ്പത്തിലാക്കിയിരിക്കുകയാണ്. അയോധ്യ രാമക്ഷേത്ര ഉദ്ഘാടനത്തിന്റെ ഭാഗമായി ബിജെപി സംസ്ഥാനത്ത് നടത്തുന്ന ക്ഷേത്ര ശുചീകരണ പരിപാടിയിൽ പങ്കെടുത്തശേഷം സംസാരിക്കുവെ, ഉദയനിധി സ്റ്റാലിനെക്കുറിച്ചുള്ള പ്രസ്താവനക്കിടയിലാണ് അസഭ്യപ്രയോഗം വന്നത്. തിരുവൻമിയൂർ കുമാരഗുരു ദാസർ സ്വാമി ക്ഷേത്രത്തിലാണ് അണ്ണാമലൈ ശുചീകരണ പരിപാടി നടത്തിയത്. ക്ഷേത്രത്തിനു മുന്നിൽ വെച്ചായിരുന്നു അസഭ്യപ്രയോഗം നടത്തിയത്. ഒരു അഭിമുഖത്തിൽ കടുത്ത ചോദ്യങ്ങളൊന്നും ചോദിക്കാതെ ഉയദനിധി സ്റ്റാലിനെ ഒഴിവാക്കിക്കൊടുത്തു എന്ന ആക്ഷേപം ബിജെപിക്കുണ്ട്. ഇക്കാര്യം അണ്ണാമലൈ തന്റെ പ്രസ്താവനക്കിടയിൽ പറഞ്ഞു. ലൈംഗിക പരാമർശമുള്ള അസഭ്യപ്രയോഗം ഈ…

ചെന്നൈ: ടെക് പാർക്കുകളിൽ ജോലി ചെയ്യുന്നവർക്കു സുഗമമായ മെട്രോ യാത്ര ഉറപ്പാക്കുന്നതിന്റെ ഭാഗമായി ഫീഡർ സർവീസുകൾ ഒരുക്കി സിഎംആർഎൽ. ആലന്തൂർ സ്റ്റേഷനും നന്ദംപാക്കം മൗണ്ട് പൂനമല്ലി ഹൈറോഡിലുള്ള ജയന്ത് ടെക് പാർക്കിനും ഇടയിലാണു പുതിയ ഫീഡർ സർവീസ് ആരംഭിച്ചത്. 18 പേർക്കു യാത്ര ചെയ്യാവുന്ന എസി ടെംപോ ട്രാവലറുകളാണു സർവീസ് നടത്തുക. തിങ്കൾ മുതൽ വെള്ളി വരെ രാവിലെ 7.30 മുതൽ 10.30 വരെയും വൈകിട്ട് 5.30 മുതൽ 8.30 വരെയുമാണു സർവീസ്. ഫാസ്റ്റ് ട്രാക്ക് കാബ്സ് മൊബൈൽ ആപ്പിലുള്ള (ആൻഡ്രോയ്ഡിലും ഐഒഎസിലും) സിഎംആർഎൽ…

ചെന്നൈ: തമിഴ് നടിയും നർത്തകിയുമായ ബിജെപി സാംസ്കാരിക വിഭാഗം മുൻ മേധാവിയുമായ ഗായത്രി രഘുറാം വെള്ളിയാഴ്ച പാർട്ടി ജനറൽ സെക്രട്ടറി എടപ്പാടി കെ പളനിസ്വാമിയുടെ സാന്നിധ്യത്തിൽ എഐഎഡിഎംകെയിൽ ചേർന്നു. ഒരു വർഷംമുമ്പ് ബി.ജെ.പി.വിട്ട ശേഷമാണ് ഗായത്രി രഘുറാം അണ്ണാ ഡി.എം.കെ.യിൽ ചേർന്നത്. ഗായത്രി രഘുറാം എട്ടുവർഷത്തോളം ബി.ജെ.പി.യിലായിരുന്നു. പാർട്ടി കലാവിഭാഗത്തിന്റെയും പ്രവാസികളുടെയും ചുമതല വഹിച്ചിരുന്ന അവർ സംസ്ഥാന പ്രസിഡന്റ് കെ. അണ്ണാമലൈയുമായുള്ള ഭിന്നതയെത്തുടർന്നാണ് പാർട്ടി വിട്ടത്. തന്നെ വ്യക്തിഹത്യചെയ്യാൻ അണ്ണാമലൈയുടെ നേതൃത്വത്തിലുള്ള വാർ റൂം ശ്രമിച്ചിരുന്നെന്നും ബി.ജെ.പി.യിൽ സ്ത്രീകൾ സുരക്ഷിതരല്ലെന്നും പാർട്ടിവിട്ടശേഷം ആരോപിച്ചിരുന്നു. ഒരു…

ചെന്നൈ : ക്ലാമ്പാക്കം ബസ് സ്റ്റേഷനിൽ പ്രീപെയ്ഡ് ഓട്ടോ സർവീസ് ആരംഭിച്ചു. കഴിഞ്ഞ ഡിസംബർ 30 നാണ് വണ്ടല്ലൂരിനടുത്ത് ക്ലാംബാഗിൽ 393 കോടി രൂപ ചെലവിൽ പുതിയ ബസ് കാത്തിരിപ്പ് കേന്ദ്രം പണി പൂർത്തിയാക്കി പൊതുജനങ്ങൾക്കായി തുറന്നുകൊടുത്തത്. ആദ്യഘട്ടത്തിൽ സർക്കാർ റാപ്പിഡ് ട്രാൻസ്‌പോർട്ട് കോർപ്പറേഷൻ ബസുകൾ മാത്രമായിരിക്കും സർവീസ് നടത്തുക. പൊങ്കലിന് ശേഷം എല്ലാ സംസ്ഥാന ട്രാൻസ്‌പോർട്ട് കോർപ്പറേഷൻ ബസുകളും ഓമ്‌നി ബസുകളും ക്ലാംബാക്കിലേക്ക് മാറ്റുമെന്ന് സർക്കാർ അറിയിച്ചു. ക്ളാമ്പാക്കം ബസ് സ്റ്റേഷനിൽ നിന്ന് ചെന്നൈയുടെ വിവിധ ഭാഗങ്ങളിലേക്ക് കണക്റ്റിങ് ബസുകൾ സർവീസ് നടത്തുന്നുണ്ട്.…

രാമനാഥപുരം: പ്രധാനമന്ത്രി നരേന്ദ്ര മോദിയുടെ ക്ഷേത്രദർശനം കണക്കിലെടുത്ത് ജനുവരി 20 ശനിയാഴ്ച രാവിലെ 8 മുതൽ വൈകിട്ട് 6 വരെ രാമേശ്വരം ശ്രീരാമനാഥസ്വാമി ക്ഷേത്രത്തിൽ ഭക്തരെ പ്രവേശിപ്പിക്കില്ലെന്ന് രാമനാഥപുരം ജില്ലാ കളക്ടർ വിഷ്ണു ചന്ദ്രൻ വാർത്താക്കുറിപ്പിൽ അറിയിച്ചു. ജനുവരി 20-ന് ഭക്തജനങ്ങൾ ദർശനത്തിന് വരുന്നതിൽ നിന്ന് വിട്ടുനിൽക്കണമെന്ന് ജില്ലാ കളക്ടർ അഭ്യർത്ഥിച്ചു. കൂടാതെ സുരക്ഷാ കാരണങ്ങളാൽ ജനുവരി 20, 21 തീയതികളിൽ രാമേശ്വരം നഗരത്തിൽ ഡ്രോണുകളുടെ ഉപയോഗം നിരോധിച്ചതായും ജില്ലാ കളക്ടർ അറിയിച്ചു. കൂടാതെ, പ്രധാനമന്ത്രിയുടെ സന്ദർശനത്തോടനുബന്ധിച്ച് രാമനാഥപുരം ജില്ലാ ട്രാഫിക് പോലീസ് ടൗണിൽ…