Month: July 2024

ചെന്നൈ : നിപ വൈറസ് ബാധയെത്തുടർന്ന് മലപ്പുറത്ത് കുട്ടി മരിച്ചസംഭവത്തിന്റെ പശ്ചാത്തലത്തിൽ കേരളത്തോടുചേർന്നുള്ള തമിഴ്‌നാട് അതിർത്തികളിൽ നിരീക്ഷണം ശക്തമാക്കി. സർക്കാരിന്റെ നിർദേശപ്രകാരം ആരോഗ്യവകുപ്പ് ഉദ്യോഗസ്ഥരാണ് വാളയാർ ചെക് പോസ്റ്റ് ഉൾപ്പെടെയുള്ള പ്രദേശങ്ങളിൽ പരിശോധനനടത്തുന്നത്. നീലഗിരി, കോയമ്പത്തൂർ, തിരുപ്പൂർ, തേനി, തെങ്കാശി, കന്യാകുമാരി എന്നിവിടങ്ങളിലെ ചെക് പോസ്റ്റുകളും നിരീക്ഷിക്കുന്നുണ്ട്. കേരളത്തിൽനിന്നുവരുന്ന ബസുകൾ ഉൾപ്പെടെയുള്ള വാഹനങ്ങളിലെ യാത്രക്കാർക്ക് പനിയോ തൊണ്ടവേദനയോ പോലുള്ള ലക്ഷണങ്ങളുണ്ടോയെന്ന് അന്വേഷിക്കുന്നുണ്ട്. തെർമോമീറ്ററുപയോഗിച്ച് യാത്രക്കാരുടെ ശരീരോഷ്മാവും ആരോഗ്യസ്ഥിതിയും മറ്റും പരിശോധിച്ചശേഷമാണ് തുടർയാത്ര അനുവദിക്കുന്നത്. സംശയംതോന്നുകയാണെങ്കിൽ യാത്ര അത്യാവശ്യമല്ലാത്തവരോട് മടങ്ങാനും നിർദേശിക്കുന്നുണ്ട്. യാത്രാലക്ഷ്യവും വിശദമാക്കണം. വാഹനങ്ങളുടെ…

ചെന്നൈ : കേന്ദ്രബജറ്റിൽ തമിഴ്‌നാടിനെ അവഗണിച്ചതിൽ പ്രതിഷേധവുമായി സംസ്ഥാനത്തെ രാഷ്ട്രീയപ്പാർട്ടികൾ. തമിഴ്‌നാടിനെ കേന്ദ്രം വഞ്ചിച്ചെന്ന് മുഖ്യമന്ത്രി എം.കെ. സ്റ്റാലിൻ പ്രതികരിച്ചു. ഡൽഹിയിൽ ഈമാസം 27-ന് പ്രധാനമന്ത്രി വിളിച്ചുചേർക്കുന്ന നീതി ആയോഗ് യോഗത്തിൽ പങ്കെടുക്കില്ലെന്നും സ്റ്റാലിൻ അറിയിച്ചു. പങ്കെടുക്കുമെന്നായിരുന്നു നേരത്തേ അറിയിച്ചിരുന്നത്. മുഖ്യപ്രതിപക്ഷമായ അണ്ണാ ഡി.എം.കെ.യും ബി.ജെ.പി.യുടെ സഖ്യകക്ഷികൂടിയായ പി.എം.കെ.യും അവഗണനയിൽ പ്രതിഷേധിച്ചു. കേന്ദ്രബജറ്റ് നിരാശാജനകമാണ്. ബി.ജെ.പി.യെ അധികാരത്തിലേറാൻ സഹായിച്ച ചിലസംസ്ഥാനങ്ങൾക്കുമാത്രമാണ് ബജറ്റിൽ പദ്ധതികൾ പ്രഖ്യാപിച്ചിരിക്കുന്നതെന്നും സ്റ്റാലിൻ പറഞ്ഞു. ഈതുക ലഭിക്കുമെന്നകാര്യത്തിൽ ഉറപ്പില്ല. ബജറ്റിൽ തമിഴ്‌നാടിനായി പ്രതീക്ഷിക്കുന്ന പദ്ധതികൾ കഴിഞ്ഞദിവസം താൻ മുന്നോട്ടുവെച്ചത് ചൂണ്ടിക്കാട്ടിയ സ്റ്റാലിൻ…

ഡൽഹി: മൂന്നാം നരേന്ദ്ര മോദി സർക്കാരിന്‍റെ ആദ്യ ബജറ്റ് ഇന്ന്. രാവിലെ പതിനൊന്ന് മണിക്കാണ് ധനമന്ത്രി നിർമലാ സീതാരാമൻ പാർലമെന്‍റിൽ ബജറ്റ് അവതരണം തുടങ്ങുക. നിർമലാ സീതാരാമന്‍റെ ഏഴാമത്തെ ബജറ്റ് അവതരണമാണ് ഇന്നത്തേത്. സഖ്യകക്ഷികളെക്കൂടി പ്രീതിപ്പെടുത്തേണ്ടതിനാൽ കൂടുതൽ പ്രഖ്യാപനങ്ങൾ മൂന്നാം എൻഡിഎ സർക്കാരിന്‍റെ ബജറ്റ് പെട്ടിയിലുണ്ടാകുമെന്നാണ് പ്രതീക്ഷിക്കുന്നത്. കേരളത്തിൽ നിന്ന് ലോക്സഭയിലേക്ക് ബിജെപി അക്കൗണ്ട് തുറന്നതിനുശേഷമുള്ള ആദ്യ ബജറ്റായതിനാൽ കേരളവും ഏറെ പ്രതീക്ഷയോടെയാണ് ബജറ്റിനെ നോക്കി കാണുന്നത്.

ചെന്നൈ : തമിഴ്‌നാട്ടിലെ എൻജിനിയറിങ് കോളേജുകളിൽ രണ്ടുശതമാനം സീറ്റ് സ്പോർട്‌സിൽ മികവുപുലർത്തുന്നവർക്കായി മാറ്റിവെക്കും. അടുത്ത അധ്യയനവർഷം ഇതു നിലവിൽവരുമെന്ന് ഉന്നതവിദ്യാഭ്യാസ മന്ത്രി കെ. പൊൻമുടി അറിയിച്ചു. സംസ്ഥാനത്ത് നിലവിൽ 500 സീറ്റാണ് സ്പോർട്‌സ് ക്വാട്ടയിലുള്ളത്. എന്നാൽ, ഓരോ വർഷവും 2000-ത്തിലേറെ അപേക്ഷകൾ വരുന്നുണ്ട്. കൂടുതൽപേർക്ക് അവസരം നൽകാനാണ് ക്വാട്ടയിലെ സീറ്റ് വർധിപ്പിക്കുന്നത്. സംസ്ഥാനത്തെ 433 എൻജിനിയറിങ് കോളേജുകളിലായി 2,40,091 സീറ്റാണുള്ളത്. ഇതിൽ 1,19,938 സീറ്റ് സർക്കാർ ക്വാട്ടയിലാണ്. ഇതിന്റെ രണ്ടുശതമാനം എന്നു പറയുമ്പോൾ 2400-ഓളം സീറ്റുവരും.