Month: August 2024

ചെന്നൈ : വസ്ത്ര നിർമാണരംഗത്തെ പ്രമുഖരായ രാംരാജ് കോട്ടൺ തമിഴ്‌നാട്ടിൽ 1000 കോടിരൂപ മുതൽമുടക്കും. ഇതുവഴി 7,000 പേർക്കുകൂടി തൊഴിൽ ലഭിക്കും. ബുധനാഴ്ച തമിഴ്‌നാട് നിക്ഷേപസമ്മേളനത്തിലാണ് ഇതുസംബന്ധിച്ച് പ്രഖ്യാപനമുണ്ടായത്. ഇന്നാട്ടിലെ ജനങ്ങളോടും രാജ്യത്തിന്റെ സാംസ്കാരിക പാരമ്പര്യത്തോടുമുള്ള പ്രതിജ്ഞാബദ്ധത മുറുകെപ്പിടിച്ചാണ് പുതിയ നിക്ഷേപങ്ങൾ നടത്തുന്നതെന്ന് രാംരാജ് സ്ഥാപകനും ചെയർമാനുമായ കെ.ആർ. നാഗരാജൻ പറഞ്ഞു. കമ്പനിയുടെ നിലവിലുള്ള നിർമാണശാലകൾ വികസിപ്പിക്കുന്നതിനും ആധുനികവത്കരിക്കുന്നതിനുമാണ്‌ പുതിയ നിക്ഷേപം ഉപയോഗിക്കുക. നിലവിൽ 50,000 നെയ്ത്തുകാരുടെ കുടുംബങ്ങൾക്ക് രാംരാജിന്റെ സംരക്ഷണം ലഭിക്കുന്നുണ്ടെന്ന് അദ്ദേഹം പറഞ്ഞു.

ചെന്നൈ : ഇന്ത്യൻ റെയിൽവേ വന്ദേഭാരത് ചെയർകാർ തീവണ്ടികളുടെ നിർമാണം തത്കാലം നിർത്തുന്നു. ഇനി 24 കോച്ചുള്ള വന്ദേഭാരത് സ്ലീപ്പർ കോച്ചുകളുള്ള തീവണ്ടികളുടെ നിർമാണത്തിൽ പൂർണമായും ശ്രദ്ധ കേന്ദ്രീകരിക്കും. ദക്ഷിണേന്ത്യയിൽ ഓടുന്ന വന്ദേഭാരത് ചെയർകാർ തീവണ്ടികളിൽ മാത്രമാണ് കൂടുതൽ യാത്രക്കാരുള്ളത്. വടക്കേ ഇന്ത്യയിൽ ഓടുന്ന വന്ദേഭാരത് ചെയർകാർ തീവണ്ടികളിൽ 50-നും 60 ശതമാനത്തിനുമിടയിൽ യാത്രക്കാർ മാത്രമേയുള്ളു. വടക്കേ ഇന്ത്യയിലെ യാത്രക്കാരുടെ ഇടയിൽ തരംഗമാകാൻ വന്ദേഭാരതിന് കഴിഞ്ഞിട്ടില്ല. നിർമാണം പൂർത്തിയായ പത്ത്‌ വന്ദേഭാരത് ചെയർകാർ തീവണ്ടികൾ പെരമ്പൂർ ഇന്റഗ്രൽ കോച്ചു ഫാക്ടറിയിലുണ്ട്. അവ എപ്പോൾ സർവീസ്…

ചെന്നൈ : പണി പൂർത്തിയാവുന്ന പുതിയ പാമ്പൻപാലത്തിലൂടെ ബുധനാഴ്ച ചരക്കുതീവണ്ടി ഓടി. 11 കോച്ചും 1,100 ടൺ ഭാരവുമുള്ള വണ്ടിയുടെ പരീക്ഷണഓട്ടം വിജയമായിരുന്നെന്ന് റെയിൽവേ വൃത്തങ്ങൾ അറിയിച്ചു. ഒക്ടോബർ ഒന്നിന് പാലം ഗതാഗതത്തിന് തുറന്നുകൊടുക്കാനാണ് പദ്ധതി. പാമ്പൻ ദ്വീപിനെയും രാമേശ്വരത്തെയും വൻകരയുമായി ബന്ധിപ്പിക്കുന്ന പുതിയ റെയിൽപ്പാലത്തിന്റെ നിർമാണം ഏറക്കുറെ പൂർത്തിയായിക്കഴിഞ്ഞു. പെയിന്റിങ് ഉൾപ്പെടെയുള്ള മിനുക്കുപണികളാണ് ബാക്കിയുള്ളത്. 2.08 കിലോമീറ്റർ നീളമുള്ള പാലത്തിലൂടെ ആദ്യമായാണ് തീവണ്ടി കടന്നുപോകുന്നത്. മണിക്കൂറിൽ 20 കിലോമീറ്റർ മുതൽ 60 കിലോമീറ്റർ വരെ വേഗത്തിലായിരുന്നു പരീക്ഷണ ഓട്ടം. തീവണ്ടി കടന്നുപോയപ്പോൾ പാലത്തിലുണ്ടായ…

തിരുവനന്തപുരം: കഴക്കൂട്ടത്തുനിന്ന് അസം സ്വദേശിയായ 13കാരിയെ കാണാതായിട്ട് 18 മണിക്കൂറിലധികം. പെൺകുട്ടി തമിഴ്നാട്ടിലേക്ക് പോയതായി പോലീസിന് വിവരം ലഭിച്ചു. ബെംഗളൂരു – കന്യാകുമാരി എക്സ്‍‍പ്രസിൽ പെൺകുട്ടി യാത്ര ചെയ്യുന്ന ചിത്രമാണ് പോലീസിന് ലഭിച്ചത്. സഹയാത്രികയും വിദ്യാർഥിനിയുമായ ബബിത ആണ് പെൺകുട്ടിയുടെ ചിത്രം പകർത്തിയത്. മാധ്യമ വാർത്തകൾ ശ്രദ്ധയിൽപെട്ടതോടെ പുലർച്ചെ നാലു മണിയോടെ ബബിത ചിത്രം പോലീസിന് കൈമാറുകയായിരുന്നു. തമ്പാനൂരിൽനിന്ന് ചൊവ്വാഴ്ച ഉച്ചയ്ക്ക് ഒരു മണിക്കാണ് പെൺകുട്ടി ട്രെയിനിൽ കയറിയത്. ട്രെയിൻ ചൊവ്വാഴ്ച ഉച്ചകഴിഞ്ഞ് 3:30ന് കന്യാകുമാരിയിൽ എത്തി. ട്രെയിൻ നെയ്യാറ്റിൻകരയിൽ എത്തിയപ്പോഴാണ് സഹയാത്രികയായ ബബിത…