Author: Chennai Vartha

ചെന്നൈ : റോഡിൽ അലഞ്ഞുതിരിയുന്ന അക്രമകാരികളായ മാടുകളെ പിടിച്ചുകെട്ടാൻ ജല്ലിക്കെട്ടു വീരൻമാർ രംഗത്തിറങ്ങി. മധുരയിലും തിരുച്ചിറപ്പള്ളിയിലുമാണ് ജല്ലിക്കെട്ടിൽ പങ്കെടുത്ത് പ്രാവീണ്യമുള്ള യുവാക്കൾ രംഗത്തിറങ്ങിയത്. മാടുകളുടെ ആക്രമണത്തിൽ സംസ്ഥാനത്തിന്റെ വിവിധഭാഗങ്ങളിൽ ചിലർ മരിക്കുകയും ഒട്ടേറെപ്പേർക്ക് പരിക്കേൽക്കുകയുംചെയ്ത സാഹചര്യത്തിലാണിത്. മധുരയിൽ രണ്ടാഴ്ചയ്ക്കുള്ളിൽ 90-ലധികം മാടുകളെ ജല്ലിക്കെട്ടു വീരൻമാർ പിടികൂടിയിട്ടുണ്ടെന്ന് മധുര കോർപ്പറേഷൻ വൃത്തങ്ങൾ അറിയിച്ചു. അക്രമകാരികളായ കാളകളെ മെരുക്കുന്നതിലൂടെ സാമ്പത്തികഗുണമില്ലെങ്കിലും ജല്ലിക്കെട്ട് സീസണിനു മന്നോടിയായുള്ള പരിശീലനമെന്നനിലയിൽ ഗുണം ചെയ്യുമെന്നും ഇവർ പറയുന്നു. ജല്ലിക്കെട്ട് മത്സരങ്ങളിൽ സമ്മാനംനേടിയ യുവാക്കളും ഇവരിലുണ്ട്.

ചെന്നൈ : വിദേശനിക്ഷേപം ആകർഷിക്കുന്നതിനായി മുഖ്യമന്ത്രി എം.കെ. സ്റ്റാലിൻ യു.എസ്. സന്ദർശനം നടത്തുമ്പോൾ അനൗദ്യോഗികമായി സർക്കാരിനെ നയിക്കുന്നത് മകനും കായികമന്ത്രിയുമായ ഉദയനിധി സ്റ്റാലിൻ. പ്രോട്ടക്കോൾ പ്രകാരം മന്ത്രിസഭയിലെ പത്താമനാണെങ്കിലും മറ്റുവകുപ്പുകളുടെ പദ്ധതികളടക്കം പ്രധാന ഉദ്ഘാടനച്ചടങ്ങുകൾ നിർവഹിക്കുന്നത് ഉദയനിധിയാണ്. പാർട്ടി പരിപാടികളിലും മുഖ്യസ്ഥാനം ഉദയനിധിക്കുതന്നെ. മന്ത്രിസഭയിലും പാർട്ടിയിലും രണ്ടാമൻ ജലവിഭവവകുപ്പ് മന്ത്രി ദുരൈമുരുകനാണ്. മുഖ്യമന്ത്രിയുടെ അഭാവത്തിൽ സർക്കാരിനെ നയിക്കേണ്ട ചുമതല സ്വാഭാവികമായും ലഭിക്കേണ്ടത് ദുരൈമുരുകനാണ്. അടിയന്തരമായി മന്ത്രിസഭായോഗം ചേരേണ്ടിവന്നാൽ ദുരൈമുരുകനായിരിക്കും നേതൃത്വംനൽകുക. എന്നാൽ, പൊതുപരിപാടികൾക്ക് ഇപ്പോൾ സർക്കാരിനെ പ്രതിനിധാനംചെയ്ത് ഉദയനിധിയാണ് പങ്കെടുക്കുന്നത്. ഗതാഗതവകുപ്പുവാങ്ങിയ പുതിയബസുകളുടെ ഫ്ലാഗ്…

ചെന്നൈ : ബംഗാൾ ഉൾക്കടലിൽ രൂപംകൊണ്ട ന്യൂനമർദം വടക്കൻ ആന്ധ്രാപ്രദേശിനും ഒഡിഷയ്ക്കുമിടയിൽ കരയിൽ കടക്കുമെന്നും കടലേറ്റത്തിന് സാധ്യതയുണ്ടെന്നും കാലാവസ്ഥ നിരീക്ഷണ കേന്ദ്രത്തിൽ നിന്ന് അറിയിച്ചു. ചെന്നൈ, തിരുവള്ളൂർ ജില്ലയിൽ മഴയ്ക്ക് സാധ്യതയുണ്ടെന്നും അറിയിച്ചു.

ചെന്നൈ: തമിഴ്നാടിന് ലഭിച്ച പുതിയ രണ്ട് വന്ദേ ഭാരതുകളുടെ ഫ്ലാഗ് ഓഫ് പ്രധാനമന്ത്രി നരേന്ദ്ര മോദി നാളെ നിർവഹിക്കും. 724 കിലോമീറ്റർ ദൈർഘ്യത്തിൽ സർവീസ് നടത്തുന്ന ചെന്നൈ എഗ്മോർ – നാഗർകോവിൽ വന്ദേ ഭാരത്, മധുരൈ – ബെംഗളൂരു വന്ദേ ഭാരത് എന്നിവയ്ക്കാണ് പ്രധാനമന്ത്രി പച്ചക്കൊടി വീശുക. തിരുവനന്തപുരം ജില്ലക്കാർക്ക് ഏറെ ഉപകാരപ്പെടുന്ന വന്ദേ ഭാരത് സർവീസാണ് നാഗർകോവിലിലേക്കുള്ള സെമി ഹൈസ്പീഡ് ട്രെയിൻ. നേരത്തെ ഉദ്ഘാടനം നിശ്ചയിച്ചിരുന്നെങ്കിലും മാറ്റിവെക്കേണ്ടിവന്നതോടെ സ്പെഷ്യൽ സർവീസായി വന്ദേ ഭാരത് ഈ റൂട്ടിൽ ഓടുന്നുണ്ടായിരുന്നു. ബുധനാഴ്ച ഒഴികെ ആഴ്ചയിൽ ആറ്…