Category: TAMILNADU

ചെന്നൈ : വെല്ലൂരിൽ ആറണിക്ക് സമീപം ടയർപൊട്ടി വാൻ മറിഞ്ഞ് ഒരു വയസ്സുള്ള കുട്ടി മരിച്ചു. 22 പേർക്ക് ഗുരുതരമായി പരിക്കേറ്റു. പുതുച്ചേരിയിലെ മഹാപ്രത്യാംഗിര ദേവി ക്ഷേത്രത്തിൽപ്പോയി മടങ്ങവേ ആറണിക്ക്‌ സമീപം വച്ചാണ് അപകടം. എല്ലാവരും വെല്ലൂർ സ്വദേശികളാണ്. പരിക്കേറ്റവരെ ആറണി ഗവ. ആശുപത്രിയിൽ പ്രവേശിപ്പിച്ചു.  

ചെന്നൈ : ബി.എസ്.പി. നേതാവ് കൊല്ലപ്പെട്ട കേസിൽ അറസ്റ്റിലായ തിരുമലയെ(27)യെ നെഞ്ചുവേദനയെത്തുടർന്ന് ചെന്നൈയിലെ സ്റ്റാൻലി ആശുപത്രിയിൽ പ്രവേശിപ്പിച്ചു. അറസ്റ്റിലായി പൂനമല്ലിയിലെ പ്രത്യേകജയിലിൽ കഴിയുകയായിരുന്നു തിരുമല. പെരമ്പൂരിലെ വീട്ടിനുസമീപം കെ. ആംസ്‌ട്രോങ്ങിനെ വെട്ടികൊലപ്പെടുത്തിയ കേസിൽ ഇതുവരെ 27 പേരെ അറസ്റ്റുചെയ്തിട്ടുണ്ട്. കേസിലെ പ്രധാന പ്രതികളെന്ന് സംശയിക്കുന്ന സംബോ സെന്തിൽ, മൊട്ടൈ കൃഷ്ണൻ എന്നിവർക്കായി പോലീസ് ലുക്ക് ഔട്ട് നോട്ടീസ് ഇറക്കിയിട്ടുണ്ട്. വിവിധ കുറ്റകൃത്യങ്ങളിൽ ഉൾപ്പെട്ട ഇവർക്കും കൊലപാതകത്തിൽ പങ്കുണ്ടെന്ന കണ്ടെത്തലിന്റെ അടിസ്ഥാനത്തിലാണ് രണ്ടുപേർക്കുമായി തിരച്ചിൽനടത്തുന്നത്.

ചെന്നൈ : പ്രണയാഭ്യർഥന നിരസിച്ച പെൺസുഹൃത്തിന്റെ വീടിനു സമീപം നിർത്തിയിട്ട വാൻ തട്ടിയെടുത്ത മലയാളി യുവാവ് അറസ്റ്റിൽ. ഓൺലൈൻ വഴി സൗഹൃദത്തിലായ യുവതിയെ കാണാൻ ചെന്നൈയിലെത്തിയ പത്തനംതിട്ട മല്ലപ്പള്ളി സ്വദേശിയായ 26-കാരനാണ് വാഹന മോഷണക്കേസിൽ പിടിയിലായത്. നാട്ടിൽ പോകാൻ പണമില്ലാതെ വന്നതോടെയാണ് വാൻ തട്ടിയെടുത്തതെന്നാണ് വിശദീകരണം. എൻജിനിയറിങ് ബിരുദധാരിയായ യുവാവ് സാമൂഹിക മാധ്യമങ്ങളിലൂടെയാണ് ചെന്നൈ അണ്ണാ നഗറിലുള്ള യുവതിയെ പരിചയപ്പെട്ടത്. മേൽവിലാസം വാങ്ങി കഴിഞ്ഞദിവസം ഇവിടെയെത്തി. പിന്നീട് ഇരുവരും തമ്മിൽ കാണുകയും യുവാവ് പ്രണയാഭ്യർഥന നടത്തുകയുമായിരുന്നു. യുവതി അഭ്യർഥന നിരസിച്ചതോടെ നിരാശനായി തിരികെ പോകാനൊരുങ്ങിയപ്പോഴാണ്…

ചെന്നൈ:ജമാഅത്തെ ഇസ്‌ലാമി ഹിന്ദ് കേരള ചെന്നൈ നോർത്ത് ഏരിയയുടെ ആഭിമുഖ്യത്തിൽ രാജീവ് ഗാന്ധി ഗവ.ജനറൽ ആശുപത്രിയിൽ ഭക്ഷണ വിതരണം നടത്തി. രോഗികളും രോഗികളുടെ കൂട്ടിയിരുപ്പുകാരുമടക്കം 150 ഓളം പേർക്ക് ഉച്ച ഭക്ഷണം വിതരണം നടത്താൻ കഴിഞ്ഞു. ജമാഅത്തെ ഇസ്‌ലാമി ഹിന്ദ് കേരള ചെന്നൈ നോർത്ത് ഏരിയാ പ്രസിഡൻ്റ് പി.ടി മുഹമ്മദ് ഷാഫി, സെക്രട്ടറി പി.കെ മുഹമ്മദ് അഷ്റഫ്, കൺവീനർ ഷാമിർ സലീം എന്നിവർ നേതൃത്വം നൽകി.

ചെന്നൈ : രാജ്യത്ത് ഐക്യവും സാഹോദര്യവും ഉറപ്പാക്കേണ്ടത് കാലഘട്ടത്തിന്റെ ആവശ്യമാണെന്ന് കേരള രജിസ്‌ട്രേഷൻ വകുപ്പ് മന്ത്രി കടന്നപ്പള്ളി രാമചന്ദ്രൻ. തെൻചെന്നൈ കൈരളി അസോസിയേഷന്റെ രജതജൂബിലി ആഘോഷങ്ങൾ ഉദ്ഘാടനം ചെയ്യുകയായിരുന്നു അദ്ദേഹം. മറുനാട്ടിൽ ജീവിക്കുമ്പോൾ അവിടെയുള്ള ആളുകളുമായി ചേർന്നു പ്രവർത്തിക്കണം. നാടിന്റെ നന്മയ്ക്ക് പ്രധാന്യം നൽകണമെന്നും അദ്ദേഹം കൂട്ടിച്ചേർത്തു. തമിഴ്‌നാട് ആരോഗ്യവകുപ്പ് മന്ത്രി എം. സുബ്രഹ്മണ്യൻ, ഫെയ്മ ദേശീയ പ്രസിഡന്റ് എം.പി. പുരുഷോത്തമൻ, എയ്മ ദേശീയ പ്രസിഡന്റ് ഗോകുലം ഗോപാലൻ എന്നിവർ വിശിഷ്ടാതിഥികളായി .അസോസിയേഷൻ പ്രസിഡന്റ് കെ.പി. സുരേഷ് ബാബു അധ്യക്ഷതവഹിച്ചു. പൊതുസമ്മേളനത്തിന് മുന്നോടിയായി കലാപരിപാടികളും…