ചെന്നൈ : കഴിഞ്ഞമാസം കൊല്ലപ്പെട്ട ബി.എസ്.പി. നേതാവ് ആംസ്ട്രോങ്ങിന്റെ കുടുംബത്തിന് വധഭീഷണി. ഫോണിൽ ലഭിച്ച വധഭീഷണിയെത്തുടർന്ന് പോലീസ് ഒരാളെ പിടികൂടി ചോദ്യംചെയ്യുകയാണ്. അയനാവരത്ത് താമസിക്കുന്ന ആംസ്ട്രോങ്ങിന്റെ ഭാര്യയ്ക്കും കുടുംബാംഗങ്ങൾക്കും പോലീസ് സംരക്ഷണം ഏർപ്പെടുത്തിയിട്ടുണ്ട്. ആംസ്ട്രോങ്ങിന്റെ കൊലയുമായി ബന്ധപ്പെട്ട് ഇതുവരെ 18 പേരെ അറസ്റ്റ് ചെയ്തിരുന്നു. ഇവരിൽ കസ്റ്റഡിയിൽനിന്ന് രക്ഷപ്പെടാൻ ശ്രമിച്ച തിരുവെങ്കിടം പോലീസ് ഏറ്റുമുട്ടലിൽ കൊല്ലപ്പെട്ടിരുന്നു. തിരുവെങ്കിടത്തിന്റെ ബന്ധുക്കളാണ് ഭീഷണി മുഴക്കിയിരിക്കുന്നതെന്ന് പോലീസ് സംശയിക്കുന്നു.
Read MoreCategory: TAMILNADU
പോലീസ് ഉന്നത തലത്തിൽ വീണ്ടും അഴിച്ചുപണി
ചെന്നൈ : ഒരു മാസത്തിനുള്ളിൽ പോലീസ് ഉന്നതതലത്തിൽ വീണ്ടും അഴിച്ചുപണി. വിഗ്രഹക്കടത്ത് തടയാനുള്ള വിഭാഗത്തിന്റെ ഡി.ജി.പി. ശൈലേഷ് കുമാറിനെ തമിഴ്നാട് ഹൗസിങ് കോർപ്പറേഷന്റെ ചെയർമാൻ ആൻഡ് മനേജിങ് ഡയറക്ടറായി നിയമിച്ചു. വിഗ്രഹക്കടത്ത് തടയാനുള്ള ഡി.ജി.പി.യുടെ ചുമതല ഇതേ അന്വേഷണ വിഭാഗത്തിലുള്ള ഐ.ജി. ഡോ. ആർ. ദിനകരനെ ഏൽപ്പിച്ചു. ഡി.ജി.പി. ഓഫീസിൽ ക്രമസമാധാന പാലനത്തിന്റെ ഐ.ജി.യായി പ്രവർത്തിക്കുകയായിരുന്ന സെന്തിൽ കുമാറിന്റെ വെസ്റ്റ് സോൺ ഐ.ജി.യായി നിയമിച്ചു. വെസ്റ്റ് സോൺ ഐ.ജി.യായിരുന്നു ഭുവനേശ്വരിയെ സ്പെഷ്യൽ ഡി.ജി.പി.യായി നിയമിച്ചു. ഡി.ജി.പി.ഓഫീസിൽ സ്പെഷ്യൽ ഐ.ജി.യായി പ്രവർത്തിക്കുകയായിരുന്ന രൂപേഷ് കുമാർ മീണയെ…
Read Moreനഗരത്തിൽ 88 ഭിന്നശേഷി സൗഹൃദ ബസുകൾ : പുറത്തിറക്കി
ചെന്നൈ : നഗരത്തിൽ ഭിന്നശേഷിക്കാർക്ക് ഉപകാരപ്പെടുന്ന രീതിയിൽ 88 ലോഫ്ളോർ ബസുകൾ പുറത്തിറക്കി. നഗരത്തിൽനടന്ന ചടങ്ങിൽ യുവജനക്ഷേമ മന്ത്രി ഉദയനിധി സ്റ്റാലിൻ ഉദ്ഘാടനം ചെയ്തു. ഗതാഗതമന്ത്രി ശിവശങ്കർ, ദേവസ്വം മന്ത്രി, പി.കെ. ശേഖർ ബാബു, ദയാനിധി മാരൻ എം.പി. തുടങ്ങിയവർ പങ്കെടുത്തു. മന്ത്രി ഉദയനിധി സ്റ്റാലിനും ചടങ്ങിൽ പങ്കെടുത്ത മറ്റുള്ളവരും ബസിൽ സഞ്ചരിച്ചു. ബസുകൾ ബ്രോഡ്വേ ബസ്സ്റ്റാൻഡിൽനിന്ന് കിളാമ്പാക്കം, ആവഡി, പൂനമല്ലി, തിരുപ്പോരൂർ, തിരുവെട്ടിയൂർ, തിരുവേർക്കാട്, ടി. നഗർ, മഹാലിംഗപുരം, തിരുവാണ്മിയൂർ, താംബരം, ഗുഡുവാഞ്ചേരി, കോവളം തുടങ്ങിയ സ്ഥലങ്ങളിലേക്ക് സർവീസ് നടത്തും. ഭിന്നശേഷിക്കാർക്ക് ബസുകളിലേക്ക്…
Read Moreസംസ്ഥാനത്തെ മലയോരജില്ലകൾ നിരീക്ഷിക്കാൻ സർക്കാർ ഉത്തരവ്
ചെന്നൈ : വയനാട്ടിലെ ഉരുൾപൊട്ടലിന്റെ പശ്ചാത്തലത്തിൽ സംസ്ഥാനത്തെ മലയോരഗ്രാമങ്ങൾ നിരീക്ഷിക്കാൻ സർക്കാർ ഉത്തരവിട്ടു. പശ്ചിമഘട്ടത്തോട് ചേർന്നുള്ള ദിണ്ടിക്കൽ, നീലഗിരി, കോയമ്പത്തൂർ, കന്യാകുമാരി, തിരുനെൽവേലി, തേനി, തിരുപ്പൂർ, വിരുദുനഗർ ഉൾപ്പെടെയുള്ള ജില്ലകളിൽ നിരീക്ഷണം ശക്തിപ്പെടുത്താനാണ് നിർദേശം. മഴക്കാലത്ത് ഈ മേഖലകളിൽ റവന്യൂ വകുപ്പിലെയും ദുരന്തനിവാരണ വകുപ്പിലെയും ഉദ്യോഗസ്ഥർ നിരന്തരനിരീക്ഷണം ശക്തമാക്കണം. ഇതിൽനിന്നു ലഭിക്കുന്ന വിവരങ്ങൾ ഉടൻ ജില്ലാഭരണകൂടത്തെ അറിയിക്കാനും ഉത്തരവിട്ടു. വയനാട്ടിലെ ഉരുൾപൊട്ടൽ ദുരന്തനിവാരണ നിധിയിലേക്ക് സംസ്ഥാനസർക്കാർ അഞ്ചുകോടി രൂപ നൽകിയിരുന്നു.
Read Moreചെന്നൈയിൽ നിന്ന് തെക്കൻ ജില്ലകളിലേക്കുള്ള മേൽപ്പാലം ഉദ്ഘാടനം ചെയ്തു
ചെന്നൈ : പെരുങ്കളത്തൂരിൽ ചെന്നൈ-ചെങ്കൽപ്പെട്ട് റോഡിൽ നിർമിച്ച മേൽപ്പാലം മന്ത്രി ടി.എം. അൻപരസൻ ഉദ്ഘാടനം ചെയ്തു. മേൽപ്പാലം ഉദ്ഘാടനം ചെയ്തതോടെ പെരുങ്കളത്തൂരിനും സമീപ പ്രദേശങ്ങളിലുമുള്ള ഗതാഗതക്കുരുക്കിന് പരിഹാരമാകുമെന്ന് മന്ത്രി പറഞ്ഞു. ചെന്നൈയിൽ നിന്ന് തെക്കൻ ജില്ലകളിലേക്കുള്ള എല്ലാ വാഹനങ്ങളും പെരുങ്കളത്തൂരിലൂടെയാണ് കടന്ന് പോകുന്നത്.
Read Moreധനുഷിനെതിരേ നിലപാട് കടുപ്പിച്ച് നിർമാതാക്കൾ
ചെന്നൈ : മുൻകൂർ പണം വാങ്ങിയ സിനിമകളിൽ അഭിനയിക്കാൻ തയ്യാറാകാത്തതിന്റെ പേരിൽ നടൻ ധനുഷിനെതിരേ തമിഴ് നിർമാതാക്കളുടെ സംഘടന. കഴിഞ്ഞ ദിവസം ചേർന്ന തമിഴ്നാട് ഫിലിം പ്രൊഡ്യൂസേഴ്സ് കൗൺസിൽ നിർവാഹക സമിതിയിൽ താരത്തിനെതിരേ രൂക്ഷവിമർശനമുയർന്നു. ധനുഷിനെതിരേ പരാതി ഉയർന്നിട്ടില്ലെന്ന തമിഴ് താര സംഘടനയായ നടികർ സംഘത്തിന്റെ പ്രസ്താവനയിലും കൗൺസിൽ അതൃപ്തി അറിയിച്ചു. മുൻകൂർ പണം വാങ്ങിയ ചിത്രങ്ങൾ പൂർത്തിയാക്കുന്നതിന് ധനുഷ് അടക്കമുള്ള താരങ്ങൾ മുൻഗണന നൽകണമെന്ന് കൗൺസിൽ ആവശ്യപ്പെട്ടു.
Read Moreനീലഗിരി ഉൾപ്പെടെ അഞ്ച് ജില്ലകളിൽ ഇന്ന് മുതൽ ശക്തമായ മഴയ്ക്ക് സാധ്യത
ചെന്നൈ: നീലഗിരിയും തിരുവണ്ണാമലയും ഉൾപ്പെടെ അഞ്ച് ജില്ലകളിൽ ഇന്ന് ശക്തമായ മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. തമിഴ്നാട്ടിലേക്ക് വീശുന്ന പടിഞ്ഞാറൻ കാറ്റിൻ്റെ വേഗത്തിലുള്ള മാറ്റത്തെ തുടർന്ന് ഇന്ന് (ആഗസ്ത് 4) മുതൽ എട്ടാം തീയതി വരെ ചിലയിടങ്ങളിൽ ഇടിയോടും മിന്നലിനോടും കൂടിയ മഴയ്ക്ക് സാധ്യത ഉണ്ടെന്ന് ഇത് സംബന്ധിച്ച് ചെന്നൈ കാലാവസ്ഥാ നിരീക്ഷണ കേന്ദ്രം പുറത്തിറക്കിയ വാർത്താക്കുറിപ്പിൽ അറിയിച്ചു. നീലഗിരി, കോയമ്പത്തൂർ ജില്ലയിലെ മലയോര മേഖലകളിലും തിരുവണ്ണാമലൈ, ചെങ്കൽപട്ട്, വില്ലുപുരം ജില്ലകളിലും ഇന്ന് ഒന്നോ രണ്ടോ സ്ഥലങ്ങളിൽ ശക്തമായ മഴയ്ക്ക് സാധ്യതയുണ്ട്. നീലഗിരി,…
Read Moreജനസമ്പർക്ക പരിപാടിയിൽ വ്യത്യസ്ത നിവേദനം
ചെന്നൈ : വീടിനടുത്ത് തന്നെ മദ്യവിൽപ്പനശാല ആരംഭിക്കാൻ നടപടിയെടുക്കണമെന്നാവശ്യപ്പെട്ട് സർക്കാരിന്റെ ജനസമ്പർക്ക പരിപാടിയിൽ നിവേദനം. മൈലാടുതുറൈ ജില്ലയിലെ മൂവല്ലൂരിൽ ജനങ്ങളുടെ ആവശ്യങ്ങളും പരാതികളും പരിഗണിക്കാൻ നടത്തിയ പരിപാടിയിലാണ് പ്രദേശവാസിയായ കുമരഗുരുവരൻ നിവേദനംനൽകിയത്. സ്വന്തം പഞ്ചായത്തിൽ ടാസ്മാക്കിന്റെ മദ്യവിൽപ്പനശാലയില്ലാത്തതിനാൽ ഈ ഗ്രാമത്തിലുള്ള ഒട്ടേറെപ്പേർ ബുദ്ധിമുട്ടുന്നുവെന്നാണ് ഇയാൾ പറയുന്നത്. ‘മക്കളുടൻ മുതൽവർ’ (ജനങ്ങൾക്ക് ഒപ്പം മുഖ്യമന്ത്രി) എന്ന പേരിൽ മുഖ്യമന്ത്രി എം.കെ. സ്റ്റാലിൻ ആരംഭിച്ച ജനസമ്പർക്ക പരിപാടി സംസ്ഥാനത്ത് ഉടനീളം നടത്തുന്നുണ്ട്. ചിലപരിപാടികളിൽ മുഖ്യമന്ത്രിയും പങ്കെടുക്കാറുണ്ട്. ഇതിനകം തന്നെ ഒട്ടേറെ ഇടങ്ങളിൽ ക്യാമ്പ് നടത്തിയെങ്കിലും ഇത്തരത്തിൽ ഒരു…
Read Moreരാമേശ്വരത്ത് മീൻപിടിത്തക്കാരുടെ അനിശ്ചിതകാല പണിമുടക്ക്
ചെന്നൈ : ശ്രീലങ്കൻ നാവികസേനയുടെ കപ്പൽ ആക്രമണത്തിൽ ഒരു മത്സ്യത്തൊഴിലാളി മരിക്കുകയും രണ്ടുപേരെ കസ്റ്റഡിയിലെടുക്കുകയും ചെയ്ത സംഭവത്തിൽ പ്രതിഷേധിച്ച് രാമേശ്വരത്ത് മീൻപിടിത്തക്കാർ അനിശ്ചിതകാല പണിമുടക്ക് തുടങ്ങി. പ്രശ്നത്തിൽ കേന്ദ്രസർക്കാർ അടിയന്തരനടപടി സ്വീകരിക്കണമെന്നും ഇരകളുടെ കുടുംബത്തിന് നഷ്ടപരിഹാരം നൽകണമെന്നും ആവശ്യപ്പെട്ടു. കാണാതായ മീൻപിടിത്തക്കാരെ കണ്ടെത്താൻ ഇന്ത്യ ഉടൻ നടപടിയെടുക്കണമെന്നും ബോട്ടുടമയ്ക്ക് നഷ്ടപരിഹാരം നൽകണമെന്നും യന്ത്രവത്കൃത ബോട്ട് അസോസിയേഷൻ നേതാക്കൾ ആവശ്യപ്പെട്ടു. അതേസമയം, കാണാതായ മത്സ്യത്തൊഴിലാളി രാമചന്ദ്രനുവേണ്ടിയുള്ള തിരച്ചിൽ തുടരുകയാണ്. കപ്പൽ ആക്രമണത്തിൽ രാമേശ്വരം സ്വദേശി മലൈസാമിയാണ് മരിച്ചത്. ബുധനാഴ്ച രാത്രി ഇന്ത്യ-ശ്രീലങ്ക സമുദ്രാതിർത്തിക്കടുത്താണ് അപകടമുണ്ടായത്. ശ്രീലങ്കൻ…
Read Moreവ്യത്യസ്ത രീതിയിൽ അഭിമുഖം ; നടൻ പ്രശാന്തിന് പിഴ
ചെന്നൈ : ചാനൽ അഭിമുഖത്തിനിടെ ഹെൽമെറ്റില്ലാതെ ബൈക്ക് ഓടിച്ചതിന് തമിഴ് നടൻ പ്രശാന്തിന് ചെന്നൈ ട്രാഫിക് പോലീസ് പിഴ ശിക്ഷ വിധിച്ചു. ബൈക്കിന്റെ പിന്നിലിരുന്ന ചാനൽ അവതാരകയ്ക്കും പിഴയുണ്ട്. പ്രശാന്തിന്റെ പുതിയ സിനിമയായ അന്ധകന്റെ പ്രചാരണത്തിന്റെ ഭാഗമായാണ് അഭിമുഖം. ബൈക്കിൽ സഞ്ചരിച്ചുള്ള അഭിമുഖത്തിന്റെ വീഡിയോ പ്രചരിച്ചതോടെയാണ് ട്രാഫിക് പോലീസ് രംഗത്തുവന്നതും 2,000 രൂപ വീതം പിഴയിട്ടതും. ഇതിന്റെ വിവരങ്ങൾ പോലീസുതന്നെ സാമൂഹികമാധ്യമങ്ങളിൽ പങ്കുവെച്ചു. ശ്രീരാം രാഘവന്റെ ഹിന്ദി ചിത്രം അന്ധാധുനിന്റെ റീമേയ്ക്കാണ് അന്ധകൻ. പ്രശാന്തിന്റെ അച്ഛൻ ത്യാഗരാജനാണ് സംവിധാനം.
Read More