Category: TAMILNADU

ചെന്നൈ : ചെന്നൈയിൽ വയോധികയെ മൊബൈൽ ചാർജർവയറുകൊണ്ട് കഴുത്തു മുറുക്കിക്കൊന്ന് ആഭരണങ്ങൾ കവർന്നു. വ്യാസർപാടിയിൽ താമസിക്കുന്ന റെയിൽവേ റിട്ട. ഉദ്യോഗസ്ഥൻ നാഗരാജന്റെ ഭാര്യ സരോജിനി ഭായ് (78) ആണ് മരിച്ചത്. വ്യാഴാഴ്ച രാത്രിയാണ് സംഭവം. സ്കൂൾ അധ്യാപികയായി വിരമിച്ച സരോജിനി ഭായിയും ഭർത്താവും മാത്രമായിരുന്നു വീട്ടിൽ. മക്കളായ കർപ്പഗവും കലൈവാണിയും വിവാഹിതരായി വേറെ താമസിക്കുകയാണ്. രാത്രി കിടപ്പുമുറിയിൽനിന്ന് ഇറങ്ങിവന്ന നാഗരാജൻ ഹാളിൽ ഭാര്യയെ മരിച്ച നിലയിൽ കണ്ടെത്തുകയായിരുന്നു. അവരുടെ കഴുത്ത് മൊബൈൽ ചാർജർവയർകൊണ്ട് വരിഞ്ഞുമുറുക്കിയിരുന്നു. നാഗരാജൻ ഉടൻ തന്നെ വ്യാസർപാടി പോലീസിൽ പരാതി നൽകി.…

ചെന്നൈ : കുറ്റകൃത്യങ്ങൾ പെരുകുന്ന സാഹചര്യം കണക്കിലെടുത്ത് തമിഴ്‌നാട്ടിൽ പോലീസുകാർക്ക് തോക്കുപയോഗിക്കുന്നതിൽ വീണ്ടും പരിശീലനം നൽകുന്നു. നേരത്തേ പരിശീലനം നൽകിയിരുന്നെങ്കിലും തോക്കുകൾ അരയിൽനിന്ന് പുറത്തെടുക്കാതെ പലരും ഉപയോഗം മറന്നു. ഇതുകൂടി പരിഹരിക്കാനുള്ള ലക്ഷ്യമാണ് പരിശീലനത്തിനുപിന്നിലെന്ന് പോലീസിലെ ഉന്നതോദ്യേഗസ്ഥർ പറയുന്നു. പോലീസും റൗഡികളും തമ്മിലുള്ള ഏറ്റുമുട്ടൽ അടുത്തിടെ കൂടിയിട്ടുണ്ട്. ഈമാസം രണ്ടുറൗഡികളാണ് പോലീസ് ഏറ്റമുട്ടലിൽ വെടിയേറ്റുമരിച്ചത്. കോൺസ്റ്റബിൾമാരും സബ് ഇൻസ്പെക്ടർമാരും ഉൾപ്പെടെ സേനയിലെ എല്ലാവരും കൃത്യനിർവഹണത്തിനിടയിൽ തോക്ക് ഉപയോഗിക്കുന്നതിൽ മികച്ച പരിശീലനം നേടണമെന്നാണ് പ്രത്യേക നിർദേശം. റോന്തുചുറ്റുമ്പോൾ ലാത്തിയും കൈയിൽ ഉണ്ടായിരിക്കണമെന്നും നിഷ്‌കർഷിക്കുന്നു. ആവശ്യം വരുമ്പോൾ…

ചെന്നൈ : വിമാനങ്ങളിലെ ബ്ലാക്ക് ബോക്‌സിന് സമാനമായരീതിയിൽ ഡേറ്റകൾ ശേഖരിച്ചുവെക്കുന്ന ഉപകരണം തീവണ്ടിയിൽ സ്ഥാപിക്കുന്നതും സുരക്ഷാസാങ്കേതികസംവിധാനമായ ‘കവച്’ നടപ്പാക്കുന്നതും ഊർജിതമാക്കണമെന്ന് ചീഫ് സേഫ്റ്റി കമ്മിഷണർ റെയിൽവേ ബോർഡിന് നിർദേശംനൽകി. തുടർച്ചയായി തീവണ്ടി അപകടങ്ങളുണ്ടാകുന്ന സാഹചര്യത്തിലാണിത്. ബ്ലാക്ക് ബോക്‌സിന് സമാനമായ ക്രൂ വോയ്‌സ് ആൻഡ് വീഡിയോ റെക്കോഡിങ് സിസ്റ്റം (സി.വി.വി.ആർ.എസ്.) സ്ഥാപിക്കണമെന്നാണ് നിർദേശം. ഇപ്പോൾ തിരഞ്ഞെടുക്കപ്പെട്ട പാതകളിലൂടെ സർവീസ് നടത്തുന്ന വണ്ടികളിലാണ് സി.വി.വി.ആർ.എസ്. സ്ഥാപിക്കുന്നത്. ഈ ഉപകരണത്തിൽ ലോക്കോ പൈലറ്റ് വണ്ടിയിലെ ഗാർഡുമാർക്കും സ്‌റ്റേഷൻ മാസ്റ്റർമാർക്കും കൈമാറിയ സന്ദേശങ്ങൾ റെക്കോഡ്ചെയ്യും. കൂടാതെ, സിഗ്നൽ തകരാറാണോ ഇലക്‌ട്രോണിക്…

ചെന്നൈ : ഭിന്നിച്ചുനിൽക്കുന്ന അണ്ണാ ഡി.എം.കെ. യിൽ ഐക്യം പുനഃസ്ഥാപിക്കുക ലക്ഷ്യത്തോടെ വി.കെ. ശശികലയുടെ സംസ്ഥാന പര്യടനം തെങ്കാശിയിൽ തുടങ്ങി. പാർട്ടിയിൽനിന്ന് പുറത്താക്കപ്പെട്ട ശശികലയുടെ യാത്ര അണ്ണാ ഡി.എം.കെ. യുടെ കൊടി കെട്ടിയ വാഹനത്തിലാണ്. തെങ്കാശിയിൽ നാലു ദിവസത്തോളം അവർ ചെലവഴിക്കും. തുടർന്ന് സംസ്ഥാനത്തിന്റെ മറ്റു ഭാഗങ്ങളിൽ പര്യടനം നടത്തും.

ചെന്നൈ : സാധാരണക്കാർക്ക് കുറഞ്ഞ നിരക്കിൽ ഭക്ഷണംലഭ്യമാക്കാൻ മുൻ മുഖ്യമന്ത്രി ജയലളിതയുടെ ഭരണകാലത്തു തുടക്കമിട്ട അമ്മ ഉണവകങ്ങൾ നവീകരിക്കാൻ മുഖ്യമന്ത്രി എം.കെ. സ്റ്റാലിൻ 21 കോടിരൂപ അനുവദിച്ചു. വെള്ളിയാഴ്ച തേനാംപേട്ടിലെ അമ്മ ഉണവകത്തിൽ അപ്രതീക്ഷിത സന്ദർശനംനടത്തിയ സ്റ്റാലിൻ ഇവിടെയുള്ള അവസ്ഥ പരിശോധിച്ചു. കഴിക്കാനെത്തിയവരോട് ഭക്ഷണത്തിന്റെ ഗുണനിലവാരത്തെക്കുറിച്ചു ചോദിച്ചറിഞ്ഞു. ഭക്ഷണം തയ്യാറാക്കുന്നതിനെക്കുറിച്ച് ജീവനക്കാരോടു ചോദിച്ചു. അതിനു ശേഷമാണ് 21 കോടിരൂപ മുഖ്യമന്ത്രി പ്രഖ്യാപിച്ചത്. ചെന്നൈയിലെ ഏഴ് സർക്കാർ ആശുപത്രികളുടേതുൾപ്പെടെ 388 അമ്മ ഉണവകങ്ങൾ നവീകരിക്കുന്നതിന് 14 കോടിയും പുതിയപാത്രങ്ങൾ വാങ്ങാൻ ഏഴുകോടിയുമാണ് വകയിരുത്തിയത്. അമ്മ റസ്റ്ററന്റുകളിൽ…

ചെന്നൈ : നടൻ വിജയ്‌യുടെ രാഷ്ട്രീയപ്പാർട്ടിയായ തമിഴക വെട്രി കഴക(ടി.വി.കെ.)ത്തിന്റെ ആദ്യ സംസ്ഥാനസമ്മേളനം തിരുച്ചിറപ്പള്ളിയിൽനടത്തും. സെപ്റ്റംബറിലോ നവംബറിലോ ആയിരിക്കും സമ്മേളനംനടത്തുകയെന്ന് പാർട്ടി വൃത്തങ്ങൾ അറിയിച്ചു. നേരത്തേ മധുരയും തിരുനെൽവേലിയും കോയമ്പത്തൂരും സമ്മേളനവേദിയായി പരിഗണനയിലുണ്ടായിരുന്നെങ്കിലും തിരുച്ചിറപ്പള്ളി അന്തിമമായി തീരുമാനിച്ചു. സമ്മേളനത്തിന്റെ തീയതി വിജയ് വൈകാതെ പ്രഖ്യാപിക്കും. സമ്മേളനം വമ്പിച്ച ആഘോഷമാക്കാനാണ് ഒരുക്കങ്ങൾനടക്കുന്നത്. സംസ്ഥാനസമ്മേളനത്തിനുശേഷം വടക്കൻ, തെക്കൻ, കിഴക്കൻ, പടിഞ്ഞാറൻ ഭാഗങ്ങളിൽ നാല് മേഖലാസമ്മേളനങ്ങളും നടത്താൻ തീരുമാനമുണ്ട്. തുടർന്ന്, ജില്ലാതലത്തിൽ പൊതുയോഗങ്ങൾ സംഘടിപ്പിക്കും. 2025 തുടക്കത്തോടെ വോട്ടർമാരെ നേരിൽക്കാണാൻ വിജയ് ഒരുവർഷം നീളുന്ന സംസ്ഥാനപര്യടനം തുടങ്ങും. കൂടാതെ,…