Month: July 2024

ചെന്നൈ : ഇന്ത്യൻ ശിക്ഷാനിയമത്തിനുപകരമുള്ള ഭാരതീയ ന്യായസംഹിത (ബി.എൻ.എസ്.) പ്രകാരം തമിഴ്‌നാട്ടിൽ ആദ്യത്തെ അറസ്റ്റുരേഖപ്പെടുത്തി. സ്ത്രീയുടെ കുളിമുറിദൃശ്യം പകർത്തിയ 21-കാരനാണ് നിയമം പ്രാബല്യത്തിൽവന്ന ആദ്യദിവസം അറസ്റ്റിലായത്. 25-കാരിയുടെ കുളിമുറിദൃശ്യം പകർത്തുന്നതിനിടെയാണ് ചെന്നൈ ട്രിപ്ലിക്കെയ്നിലെ സാരഥിയെ പുതിയ ക്രിമിനൽനിയമപ്രകാരം ഐസ് ഹൗസ് പോലീസ് അറസ്റ്റുചെയ്തത്. സംസ്ഥാനത്തെ എല്ലാ പോലീസ് സ്റ്റേഷനുകളിലും പുതിയ എഫ്.ഐ.ആർ. ഫോമുകൾ വിതരണംചെയ്തിട്ടുണ്ടെന്ന് ഡി.ജി.പി. ശങ്കർ ജിവാൾ പറഞ്ഞു. പുതിയ നിയമങ്ങൾ ഇംഗ്ലീഷിൽനിന്ന് തമിഴിലേക്ക് വിവർത്തനംചെയ്യുന്നതിനുള്ള ജോലികൾ അതിവേഗം നടക്കുന്നുണ്ടെന്നും അദ്ദേഹം അറിയിച്ചു.

ചെന്നൈ : സ്വകാര്യവാഹനങ്ങളിൽ അനധികൃതമായി ‘അഡ്വക്കേറ്റ്’ സ്റ്റിക്കറുകൾ പതിപ്പിക്കുന്ന അഭിഭാഷകർക്കെതിരേ പോലീസിന് സ്വതന്ത്രമായി നടപടിയെടുക്കാമെന്ന് മദ്രാസ് ഹൈക്കോടതി. ട്രാഫിക് നിയമലംഘനങ്ങളിൽനിന്ന് രക്ഷപ്പെടാനായി അഭിഭാഷകർ തങ്ങളുടെ സ്വകാര്യവാഹനങ്ങളിൽ സ്റ്റിക്കറുകൾ പതിച്ച് ദുരുപയോഗം ചെയ്യുന്നത്‌ തടയണമെന്നാവശ്യപ്പെട്ട് ചെന്നൈ സ്വദേശി എസ്. ദേവദാസ് ഗാന്ധി വിൽസൺ നൽകിയ പൊതുതാത്പര്യ ഹർജി പരിഗണിക്കവെയാണ് ആക്ടിങ് ചീഫ് ജസ്റ്റിസ് ആർ. മഹാദേവൻ, ജസ്റ്റിസ് മുഹമ്മദ് ഷഫീഖ് എന്നിവരടങ്ങിയ ബെഞ്ചിന്റെ ഇടപെടൽ. ‘പോലീസ് ഒന്നിനെയും ഭയപ്പെടേണ്ട കാര്യമില്ല. അനധികൃതമായി സ്റ്റിക്കർ ദുരുപയോഗം ചെയ്യുന്നവർക്കെതിരേ നടപടിയെടുക്കാൻ സുപ്രീംകോടതിതന്നെ ഒന്നിലധികം ഉത്തരവുകൾ പുറപ്പെടുവിച്ചിട്ടുണ്ട്. To advertise…

ചെന്നൈ : പാർട്ടി സംസ്ഥാനാധ്യക്ഷൻ കെ. അണ്ണാമലൈ വിദേശപഠനത്തിനായി രാഷ്ട്രീയത്തിൽനിന്ന് വിട്ടുനിൽക്കുന്നതുസംബന്ധിച്ച്‌ തമിഴ്‌നാട് ബി.ജെ.പി.യിൽ ആശയക്കുഴപ്പം. വ്യക്തികൾക്കല്ല പ്രാധാന്യമെന്നും ആര് മാറിനിന്നാലും പ്രവർത്തനങ്ങൾ മികച്ചരീതിയിൽ മുന്നോട്ടുപോകുമെന്നും നേതാക്കൾ വിശദീകരിക്കുന്നുണ്ടെങ്കിലും പ്രവർത്തകർക്കിടയിൽ എതിർപ്പുയർന്നിരിക്കയാണ്. നടൻ വിജയ്‌യുടെ രാഷ്ട്രീയപ്രവേശനമടക്കം തമിഴകരാഷ്ട്രീയത്തിൽ നിർണായകനീക്കങ്ങൾ നടക്കുമ്പോൾ പാർട്ടിയധ്യക്ഷൻ മാറിനിൽക്കുന്നത് അംഗീകരിക്കാനാകില്ലെന്ന നിലപാടിലാണ് വലിയൊരു വിഭാഗം പ്രവർത്തകർ. ലണ്ടൻ ഓക്സ്ഫഡ് സർവകലാശാലയിൽ ഫെലോഷിപ്പ് ലഭിച്ചതിനെത്തുടർന്നാണ് അണ്ണാമലൈ ആറുമാസത്തോളം രാഷ്ട്രീയത്തിൽനിന്ന് മാറി നിൽക്കാനൊരുങ്ങുന്നത്. അവധി അനുവദിക്കണമെന്നാവശ്യപ്പെട്ട്‌ അണ്ണാമലൈ ദേശീയ നേതൃത്വത്തിന് കത്തുനൽകിയിട്ടുണ്ട്. എന്നാൽ, ഇതുവരെ അനുമതി ലഭിച്ചിട്ടില്ല. നിർണായകസമയത്ത് അധ്യക്ഷൻ മാറിനിൽക്കുന്നത് പല…

ചെന്നൈ : ഓടിക്കൊണ്ടിരുന്ന മെട്രോപൊളിറ്റൻ ട്രാൻസ്പോർട്ട് (എം.ടി.സി.) ബസിന് തീപിടിച്ചു. പുക ഉയർന്നപ്പോൾ തന്നെ ബസ് നിർത്തി യാത്രക്കാരെ ഇറക്കിയതിനാൽ മറ്റ് അപായങ്ങളുണ്ടായില്ല. ബ്രോഡ്‌വേയിൽനിന്ന് സിരുശ്ശേരിയിലേക്ക് പോകുകയായിരുന്ന എം.ടി.സിയുടെ എ.സി. ബസ് ചൊവ്വാഴ്ച വൈകീട്ട് മൂന്നിനോടെ അഡയാർ എൽ.ബി. റോഡിൽ എത്തിയപ്പോഴാണ് തീപ്പിടിത്തമുണ്ടായത്. ബസിന്റെ മുൻവശത്ത് നിന്ന് പുക ഉയരുന്നത് കണ്ട ഡ്രൈവർ ബസ് നിർത്തുകയും യാത്രക്കാരെ പുറത്തിറക്കുകയുമായിരുന്നു. പിന്നീട് മിനിറ്റുകൾക്കുള്ളിൽ ബസിൽ തീ വ്യാപിക്കുകയായിരുന്നു. പിന്നീട് അഗ്നിരക്ഷാ സേനയെത്തി തീയണച്ചുവെങ്കിലും അപ്പോഴേക്കും ബസ് മിക്കവാറും കത്തി നശിച്ചിരുന്നു. ബസിൽ 10 യാത്രക്കാരെയുണ്ടായിരുന്നുള്ളൂ.

ചെന്നൈ: മോഷണം പോയ വാഹനങ്ങൾ വീണ്ടെടുക്കാൻ നിലവിലുള്ള സിസിടിവി ക്യാമറകൾക്കൊപ്പം ചെന്നൈയിലെ പ്രധാന റോഡ് ജംക്‌ഷനുകളിൽ 500 അത്യാധുനിക ക്യാമറകൾ പോലീസ് സ്ഥാപിച്ചു. വാഹനങ്ങൾ മോഷ്ടിക്കപ്പെട്ടാൽ ഈ ക്യാമറകൾ ചിത്രമെടുക്കുകയും ഉടൻ തന്നെ പോലീസിനെ അറിയിക്കുകയും ചെയ്യും. ചെന്നൈയിൽ കുറ്റകൃത്യങ്ങൾ പൂർണമായും തടയാൻ പൊലീസ് വിവിധ ശ്രേണിയിലുള്ള നടപടികളാണ് സ്വീകരിക്കുന്നത്. അതിൻ്റെ ഭാഗമായി വാഹന മോഷണം തടയാനും ബന്ധപ്പെട്ടവരെ പിടികൂടാനും പുതിയ തന്ത്രമാണ് പൊലീസ് സ്വീകരിച്ചിരിക്കുന്നത്. എന്നാൽ പുതിയ ക്യാമെറകൾസ്ഥാപിക്കുന്നതോടെ മോഷ്ടിച്ച വാഹനങ്ങൾ നിരത്തിലിറങ്ങിയാൽ പോലീസ് സ്ഥാപിച്ചിരിക്കുന്ന 500 ക്യാമറകളിൽ ഏതെങ്കിലുമൊന്ന് പിടിക്കും. ഉടൻ…

ചെന്നൈ: തമിഴ്‌നാട്ടിലെ വിക്രവണ്ടി ബ്ലോക്ക് ഒഴികെയുള്ള സ്ഥലങ്ങളിലെ ഭൂമിയുടെ പുതിയ മാർഗനിർദേശ മൂല്യം ഇന്നലെ മുതൽ നിലവിൽ വന്നതായി രജിസ്‌ട്രേഷൻ വകുപ്പ് അറിയിച്ചു. വിപണി മൂല്യത്തിന് അനുസൃതമായി ഗൈഡ് മൂല്യം ഉയർത്താനും രജിസ്ട്രേഷൻ ഫീസ് കുറയ്ക്കാനും തമിഴ്നാട് സർക്കാരിന് വിവിധ കോണുകളിൽ നിന്ന് അപേക്ഷകൾ ലഭിച്ചു. മാർഗ്ഗനിർദ്ദേശ മൂല്യത്തിൽ പരിഷ്കരണങ്ങൾ ശുപാർശ ചെയ്യാൻ തമിഴ്നാട് സർക്കാർ ഒരു കമ്മിറ്റി രൂപീകരിച്ചിരുന്നു. ഭൂമിയുടെ വലിപ്പം നമ്പർ തിരിച്ച് പുനഃപരിശോധിക്കാൻ ഈ കമ്മിറ്റിക്ക് സമയം വേണ്ടിവരുമെന്നതിനാൽ, 2017 ജൂൺ 8 ലെ ഗൈഡ് മൂല്യത്തിന് പകരമായി ഇത്…