Month: August 2024

ചെന്നൈ : ബംഗാൾ ഉൾക്കടലൽ ചക്രവാതച്ചുഴി തുടരുന്നതിനാൽ ചെന്നൈ ഉൾപ്പെടെയുള്ള പ്രദേശങ്ങളിൽ മഴയ്ക്‌ സാധ്യതയുണ്ട്. കാഞ്ചീപുരം, തിരുവള്ളൂർ, ചെങ്കൽപ്പെട്ട് എന്നീ ജില്ലകളിലും മഴയ്ക്ക് സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു.

ചെന്നൈ : അമ്മയുടെ ഉറക്കഗുളിക കഴിച്ച നാലു വയസ്സുകാരി മരിച്ചു. ചെന്നൈ താംബരം സേലയൂരിൽ താമസിക്കുന്ന ഐ.ടി. ജീവനക്കാരി അശ്വിനിയുടെ മകൾ ഹരിത്രയാണ് മരിച്ചത്. ഇതേത്തുടർന്ന് ആത്മഹത്യക്ക് ശ്രമിച്ച അശ്വിനിയെ ആശുപത്രിയിൽ പ്രവേശിപ്പിച്ചു. കഴിഞ്ഞ ദിവസം രാത്രിയിലാണ് അശ്വനി ശ്രദ്ധിക്കാതെ വെച്ച പാത്രത്തിൽനിന്ന് ഗുളികയെടുത്ത്‌ കുട്ടി കഴിച്ചത്. പുലർച്ചെ നാലോടെ അശ്വിനി ഉണർന്നപ്പോൾ കുട്ടിയെ കിടക്കയിൽ ചലനമറ്റ നിലയിൽ കണ്ടെത്തി. മകൾ മരിച്ചെന്നു തിരിച്ചറിഞ്ഞ അശ്വിനി നിലവിളിച്ചു കരയുകയും പിന്നീട് ബ്ലേഡ് കൊണ്ട് കൈമുറിച്ച് ജീവനൊടുക്കാൻ ശ്രമിക്കുകയുമായിരുന്നു. ഇവർക്കൊപ്പം താമസിച്ച അശ്വനിയുടെ അമ്മ കരച്ചിൽ…

പുതുച്ചേരി : പുതുച്ചേരി ലെഫ്റ്റനന്റ് ഗവർണറായി കെ. കൈലാസ്‌നാഥ് ബുധനാഴ്ച രാവിലെ സ്ഥാനമേൽക്കും. ചൊവ്വാഴ്ച പുതുച്ചേരിയിലെത്തിയ അദ്ദേഹത്തെ മുഖ്യമന്ത്രി എൻ.രംഗസാമി, സ്പീക്കർ ആർ. സെൽവം, എന്നിവർ ചേർന്ന് സ്വീകരിച്ചു. ഗുജറാത്ത് മുഖ്യമന്ത്രിയുടെ ചീഫ് പ്രിൻസിപ്പൽ സെക്രട്ടറിയായിരുന്ന കൈലാസ്‌നാഥിനെ ലെഫ്റ്റനന്റ് ഗവർണറായി നിയമിച്ചുകൊണ്ട് ജൂൺ 28-നാണ് രാഷ്ട്രപതി വിജ്ഞാപനം പുറപ്പെടുവിച്ചത്. വടകര വില്യാപ്പള്ളി സ്വദേശിയാണ്.

ചെന്നൈ : ചെന്നൈയിൽനിന്ന് മൈസൂരുവിലേക്ക് പുറപ്പെട്ട വന്ദേഭാരതിൽ ചാർജ് ചെയ്യുന്നതിനിടെ മൊബൈൽ ഫോൺ പൊട്ടിത്തെറിച്ചു. ഇതേത്തുടർന്ന് തീവണ്ടിയിൽ പുക പടർന്നതോടെ യാത്രക്കാർ ഭീതിയിലായി. സി11 കോച്ചിലെ യാത്രക്കാരനായ കുഷ്‌നാഥ്കറിന്റെ ഫോണാണ് തിരുപ്പത്തൂർ ജില്ലയിലെ ആമ്പൂരിൽ വെച്ചു പൊട്ടിത്തെറിച്ചത്. തുടർന്ന് തീവണ്ടി 35 മിനിറ്റ് നിർത്തിയിട്ടു. തീവണ്ടിയുടെ സ്വയം പ്രവർത്തിത കതകുകൾ തുറന്നിട്ട് പുകയൊഴിവാക്കി. ജോലാർപ്പേട്ട റെയിൽവേ പോലീസെത്തി അന്വേഷണം നടത്തി. സംഭവത്തെക്കുറിച്ച് അന്വേഷിക്കുമെന്ന് ദക്ഷിണ റെയിൽവേ അധികൃതരും അറിയിച്ചു.