Author: Chennai Vartha

ചെന്നൈ : സമുദ്രാതിർത്തി ലംഘിച്ചെന്ന കുറ്റംചുമത്തി ഒൻപത് തമിഴ് മത്സ്യത്തൊഴിലാളികളെ ശ്രീലങ്കൻ നാവികസേന പിടികൂടി. രാമേശ്വത്തുനിന്നുള്ള തൊഴിലാളികളെയാണ് ബംഗാൾ ഉൾക്കടലിൽ തലൈമാന്നാറിനുസമീപം പിടികൂടിയത്. രണ്ട് മീൻപിടിത്തബോട്ടുകളും പിടിച്ചെടുത്തു. ഈവർഷം ഇതുവരെ പിടിയിലായ തമിഴ് മത്സ്യത്തൊഴിലാളികളിൽ 74 പേർ ഇപ്പോഴും ശ്രീലങ്കയിലെ ജയിലുകളിൽ കഴിയുകയാണ്. ഇവരെ മോചിപ്പിക്കണമെന്നാവശ്യപ്പെട്ട് രാമനാഥപുരത്ത് കഴിഞ്ഞദിവസം മത്സ്യത്തൊഴിലാളികൾ സമരംനടത്തിയിരുന്നു.

ചെന്നൈ : ശ്രീരാമനെ ദ്രാവിഡഭരണമാതൃകയുടെ മുൻഗാമിയെന്ന് വിശേഷിപ്പിച്ച് സംസ്ഥാന നിയമമന്ത്രി എസ്. രഘുപതി. ചെന്നൈയിൽനടന്ന കമ്പർദിനാഘോഷച്ചടങ്ങിലാണ് മന്ത്രിയുടെ പരാമർശം. പിന്നാലെ വിമർശനവുമായി ബി.ജെ.പി.യും രംഗത്തെത്തി. ശ്രീരാമൻ സാമൂഹികനീതിയുടെ സംരക്ഷകനാണ്. മതേതരത്വവും സാമൂഹികനീതിയും ഉദ്‌ബോധിപ്പിച്ച നായകനാണ്. പെരിയാർ, അണ്ണാദുരൈ, കരുണാനിധി, മുഖ്യമന്ത്രി എം.കെ. സ്റ്റാലിൻ എന്നിവർക്ക് എത്രയോമുമ്പേ ദ്രാവിഡഭരണമാതൃക മുന്നോട്ടുവെച്ചത് ശ്രീരാമനായിരുന്നെന്നും രഘുപതി പറഞ്ഞു. അസമത്വമില്ലാത്ത സമൂഹം ഭാവിയിലുണ്ടാകുമെന്ന് ഉറപ്പാക്കാനാണ് രാമായണം സൃഷ്ടിച്ചത്. അവസരം ലഭിച്ചാൽ അയോധ്യയിലെ രാമക്ഷേത്രം സന്ദർശിക്കുമെന്നും മന്ത്രി പറഞ്ഞു. തമിഴ്നാട് ഭരിക്കുന്ന ദ്രാവിഡസർക്കാരുമായി രാമരാജ്യത്തെ താരതമ്യംചെയ്യുന്നത് അസംബന്ധമാണെന്ന് ബി.ജെ.പി. പ്രതികരിച്ചു. ഡി.എം.കെ.…

ചെന്നൈ : വൈദ്യുതിനിരക്ക് വർധനയിൽ പ്രതിഷേധിച്ച് സംസ്ഥാനവ്യാപകമായി അണ്ണാ ഡി.എം.കെ. സമരംനടത്തി. പാർട്ടിയുടെ 82 ജില്ലാകമ്മിറ്റിയുടെയും നേതൃത്വത്തിലായിരുന്നു സമരം. വിവിധയിടങ്ങളിൽനടന്ന പ്രതിഷേധസമ്മേളനം മുൻമന്ത്രിമാരടക്കമുള്ള മുതിർന്നനേതാക്കൾ ഉദ്ഘാടനംചെയ്തു. ചെന്നൈയിൽനടന്ന പ്രതിഷേധത്തിന് മുൻമന്ത്രി ഡി. ജയകുമാർ നേതൃത്വംനൽകി. ഡി.എം.കെ. അധികാരത്തിലെത്തിയശേഷം അവശ്യസാധനങ്ങൾക്കും വിലവർധിപ്പിച്ചെന്നും ഇതിൽ ഒടുവിലത്തേതാണ് വൈദ്യുതിനിരക്ക് വർധനയെന്നും ജയകുമാർ പറഞ്ഞു.

ചെന്നൈ: ബിസിനസിന് സർഗാത്മകതയും പ്രോത്സാഹനവും നൽകുന്നതാണ് തമിഴ്‌നാട് സർക്കാരിൻ്റെ നയമെന്നും വ്യാപാരികൾ തങ്ങളുടെ കടകൾക്ക് തമിഴിൽ പേരിടാൻ സന്നദ്ധരാകണമെന്നും മുഖ്യമന്ത്രി എം.കെ.സ്റ്റാലിൻ പറഞ്ഞു. 1989-ൽ അന്തരിച്ച മുൻമുഖ്യമന്ത്രി കരുണാനിധിയാണ് വ്യാപാരികളുടെ ക്ഷേമത്തിനായി രാജ്യത്ത് ആദ്യമായി തമിഴ്നാട്ടിൽ വ്യാപാരി ക്ഷേമനിധി ബോർഡ് സ്ഥാപിച്ചത്. നിലവിൽ മുഖ്യമന്ത്രി എം.കെ.സ്റ്റാലിൻ ചെയർമാനും മന്ത്രി ബി.മൂർത്തി വൈസ് ചെയർമാനുമായാണ് വ്യാപാരി ക്ഷേമനിധി ബോർഡ് പ്രവർത്തിക്കുന്നത്. വ്യാപാരി ക്ഷേമനിധി ബോർഡിൻ്റെ യോഗം ഇന്നലെ മുഖ്യമന്ത്രി എം.കെ.സ്റ്റാലിൻ്റെ അധ്യക്ഷതയിൽ സെക്രട്ടേറിയറ്റിൽ ചേർന്നിരുന്നു. ഇതിലാണ് മുഖ്യമന്ത്രി തന്റെ തീരുമാനം അറിയിച്ചത്

ചെന്നൈ : പെരിയാർ സർവകലാശാലയിൽ 2016 മുതൽ 2017 വരെനടന്ന അധ്യാപക-അനധ്യാപക തസ്തികകളിലേക്കുള്ള നിയമനത്തിൽ ക്രമക്കേടു നടന്നതായുള്ള പരാതിയിൽ വിജിലൻസ് അന്വേഷണം പുനരാരംഭിച്ചു. നിലവിൽ സർവകലാശാലയിൽ ജോലിചെയ്യുന്ന അധ്യാപകരെയും അനധ്യാപകരെയും ചോദ്യംചെയ്തു വരികയാണ്. നിയമനവുമായി ബന്ധപ്പെട്ട രേഖകളും പരിശോധിക്കുന്നുണ്ടെന്ന് വിജിലൻസ് വൃത്തങ്ങൾ അറിയിച്ചു.

ചെന്നൈ : നിയന്ത്രണം വിട്ട കാർ മരത്തിലിടിച്ച് അച്ഛനും മകളുമടക്കം കുടുംബത്തിലെ മൂന്ന് പേർ മരിച്ചു. കരൂർ ജില്ലയിലെ അരവാക്കുറിച്ചിയിൽ തിങ്കളാഴ്ച പുലർച്ച നടന്ന അപകടത്തിൽ ഈറോഡ് സ്വദേശി കൃഷ്ണകുമാർ (40), മകൾ കെ.വരുണ (10), ഭാര്യാമാതാവ് ഇന്ദിരാണി (67) എന്നിവരാണ് മരിച്ചത്. കൃഷ്ണകുമാറിന്റെ ഭാര്യ മോഹനയെയും മകൻ സുദർശനനെയും പരിക്കുകളോടെ ആശുപത്രിയിൽ പ്രവേശിപ്പിച്ചു. തിരുച്ചെന്തൂർ മുരുകൻ ക്ഷേത്രത്തിൽ ദർശനം നടത്തി മടങ്ങുന്നതിനിടെയാണ് അപകടം . കരൂർ-മധുര ദേശീയപാതയിൽ അരവാക്കുറിച്ചി ആണ്ടിപട്ടിക്കോട്ടയിൽ എത്തിയപ്പോഴാണ് കാർ നിയന്ത്രണംവിട്ട് റോഡിന് സമീപമുള്ള മരത്തിലിടിച്ചത്. മൂവരും അപകടസ്ഥലത്ത് തന്നെ…

ചെന്നൈ : തമിഴ്‌നാട്ടിൽ വിഷമദ്യമരണങ്ങൾ ഒഴിവാക്കാൻ കള്ളുവിൽപ്പന വീണ്ടും ആരംഭിച്ചുകൂടേയെന്ന് മദ്രാസ് ഹൈക്കോടതി ചോദിച്ചു. റേഷൻകടകൾ, സൂപ്പർമാർക്കറ്റുകൾ വഴി മദ്യം വിൽക്കണമെന്നാവശ്യപ്പെട്ട് സോഫ്റ്റ്‌വേർ എൻജിനിയറായ എസ്. മുരളിധരൻ നൽകിയ പൊതുതാത്പര്യഹർജികൾ പരിഗണിക്കവെയാണ് ചോദ്യമുന്നയിച്ചത്. കേസ് സംബന്ധിച്ച് സർക്കാർ 28-നുമുൻപ്‌ വിശദീകരണംനൽകണമെന്നും കോടതി നിർദേശിച്ചു. ടാസ്മാക്ന്റെ കടകളിലൂടെ വിൽപ്പനനടത്തുന്ന മദ്യത്തിന് കൂടുതൽവില ഈടാക്കുന്നെന്നും വില ടാസ്മാക് കടകളിൽ പ്രദർശിപ്പിക്കണമെന്നും ഹർജിയിൽ ആവശ്യപ്പെട്ടിരുന്നു. തുടർന്നാണ് ഹൈക്കോടതി ആക്ടിങ് ചീഫ് ജസ്റ്റിസ് ഡി. കൃഷ്ണകുമാർ, ജസ്റ്റിസ് കെ. കുമരേശ് ബാബു എന്നിവരടങ്ങിയ ബെഞ്ച് കള്ളുവിൽപ്പന പുനരാരംഭിച്ചുകൂടേയെന്ന് ചോദിച്ചത്. കേസ്…