Category: TAMILNADU

ചെന്നൈ : ലോക്‌സഭാ തിരഞ്ഞെടുപ്പിന്റെ അവസാന ദിവസം ഡൽഹിയിൽ നടക്കുന്ന ഇന്ത്യസഖ്യ നേതാക്കളുടെ യോഗത്തിൽ തമിഴ്‌നാട് മുഖ്യമന്ത്രി എം.കെ. സ്റ്റാലിൻ പങ്കെടുക്കും. ജൂൺ ഒന്നിന് ഡൽഹിയിലെത്തുന്ന സ്റ്റാലിൻ രണ്ടിനായിരിക്കും തിരിച്ചുവരുക. ജൂൺ നാലിന് തിരഞ്ഞെടുപ്പുഫലം വരുന്നതിനുമുന്നോടിയായാണ് ഇന്ത്യ സഖ്യം യോഗം ചേരുന്നത്. തിരഞ്ഞെടുപ്പിൽ വിജയമുറപ്പാണെന്നാണ് ഡി.എം.കെ. കരുതുന്നത്. കോൺഗ്രസ് അധ്യക്ഷൻ മല്ലികാർജുൻ ഖാർഗെ വിളിച്ച യോഗത്തിൽ സഖ്യത്തിന്റെ പ്രധാനമന്ത്രിസ്ഥാനാർഥി ആരാണെന്നത് ഉൾപ്പെടെയുള്ള വിഷയങ്ങൾ ചർച്ചയ്ക്കുവരും. യോഗത്തിനെത്തില്ലെന്ന് പശ്ചിമബംഗാൾ മുഖ്യമന്ത്രി മമതാ ബാനർജി അറിയിച്ചിട്ടുണ്ട്. സംസ്ഥാനത്ത് അവസാനഘട്ടത്തിലും വോട്ടെടുപ്പു നടക്കുന്നതും ചുഴലിക്കാറ്റ് ദുരിതാശ്വാസപ്രവർത്തനങ്ങൾ നടക്കുന്നതുമാണ് കാരണമായിപ്പറയുന്നത്.

ചെന്നൈ : തമിഴ്‌നാട് നിയമസഭയുടെ സമ്മേളനം ജൂൺ രണ്ടാംവാരത്തിൽ വിളിച്ചുചേർത്തേക്കും. ലോക്‌സഭാ തിരഞ്ഞെടുപ്പുഫലം വന്നതിനുശേഷമായിരിക്കും തീയതിയുടെ കാര്യം തീരുമാനിക്കുക. നിയമസഭയുടെ ബജറ്റ് സമ്മേളനം ഫെബ്രുവരിയിലാണ് നടന്നത്. ഗവർണറുടെ നയപ്രഖ്യാപനവും ബജറ്റ് അവതരണവുമാണ് ഇതിൽ നടന്നത്. വിവിധ വകുപ്പുകൾക്കുള്ള ധനാഭ്യർഥനകൾ പാസാക്കാനുണ്ട്. ലോക്‌സഭാ തിരഞ്ഞെടുപ്പിനുശേഷം തമിഴ്‌നാട് മന്ത്രിസഭയിൽ വിപുലമായ അഴിച്ചുപണി നടക്കുമെന്ന് റിപ്പോർട്ടുകളുണ്ട്.  

ചെന്നൈ : റിസർവേഷൻ കോച്ചുകളിൽ ടി.ടി.ഇ.മാരുടെ സാന്നിധ്യമുറപ്പാക്കണമെന്ന് റെയിൽവേ മന്ത്രാലയം വിവിധ സോണുകൾക്ക് നിർദേശം നൽകി. ടിക്കറ്റ് പരിശോധന സ്ക്വാഡുകളിലെ ടി.ടി.ഇ.മാരുടെ എണ്ണം കുറച്ച് അവരെ കോച്ചുകളിൽ നിയോഗിക്കണമെന്നും സ്റ്റേഷനുകളിലെ ടിക്കറ്റ് പരിശോധന റിസർവേഷൻ ക്ലാർക്കുമാരെ ഏൽപ്പിക്കണമെന്നും നിർദേശമുണ്ട്. ടിക്കറ്റ് പരിശോധനയ്ക്കുപരി, തീവണ്ടികളിൽ അടിസ്ഥാനസൗകര്യങ്ങളുണ്ടെന്നും യാത്രക്കാർക്ക് ബുദ്ധിമുട്ടില്ലെന്നും ഉറപ്പാക്കേണ്ടത് ടി.ടി.ഇ.മാരുടെ ചുമതലയാണെന്ന് റെയിൽവേ പ്രിൻസിപ്പൽ എക്സിക്യുട്ടീവ് ഡയറക്ടറുടെ കത്തിൽ പറയുന്നു. എന്നാൽ, ഈ ചുമതല നിറവേറ്റപ്പെടുന്നില്ലെന്ന് പലപ്പോഴും പരാതിവരുന്നുണ്ട്. ഇതുപരിഹരിക്കാനാണ് കൂടുതൽ ടി.ടി.ഇ.മാരെ നിയോഗിക്കുന്നത്. ടിക്കറ്റ് പരിശോധനാസ്ക്വാഡുകളിൽ നിയോഗിക്കപ്പെടുന്ന ടി.ടി.ഇ.മാരുടെ എണ്ണം സബർബൻ സർവീസുള്ള…

ചെന്നൈ : ‘പുതുമൈ പെൺ’പദ്ധതി അവതരിപ്പിച്ചതിനു ശേഷം തമിഴ്‌നാട്ടിൽ ഉന്നത വിദ്യാഭ്യാസത്തിനു ചേരുന്ന പെൺകുട്ടികളിൽ 34 ശതമാനം വർധനയുണ്ടായതായി സർക്കാറിന്റെ കണക്ക്. സർക്കാർ സ്കൂളുകളിൽ ആറു മുതൽ പന്ത്രണ്ടു വരെ ക്ലാസുകളിൽ പഠിച്ച പെൺകുട്ടികൾ ഉന്നത വിദ്യാഭ്യാസത്തിനു ചേരുമ്പോൾ പ്രതിമാസം 1,000 രൂപ നൽകുന്നതാണ് പദ്ധതി. തമിഴ്‌നാട്ടിൽ എം.കെ. സ്റ്റാലിൻ സർക്കാർ അധികാരത്തിൽ വന്നതിനു ശേഷം 2022 സെപ്റ്റംബറിലാണ് പദ്ധതി തുടങ്ങിയത്. കഴിഞ്ഞ വർഷം 2,73,000 പെൺകുട്ടികൾക്ക് ഇതിന്റെ ആനുകൂല്യം ലഭിച്ചതായി സർക്കാർ അറിയിച്ചു. തൊഴിൽ വിദ്യാഭ്യാസത്തിന് ഊന്നൽ നൽകുന്ന ‘നാൻ മുതൽവൻ’ പദ്ധതിയുടെ…

ചെന്നൈ : പുതിയ ബസ്‌ പാസ് ലഭിക്കുന്നതുവരെ സ്കൂൾ വിദ്യാർഥികൾക്ക് പഴയ ബസ് പാസ് ഉപയോഗിച്ച് യാത്രചെയ്യാമെന്ന് ട്രാൻസ്പോർട്ട് വകുപ്പ് അറിയിച്ചു. വിദ്യാർഥികൾക്ക് സൗജന്യയാത്രയ്ക്കായുള്ള പുതിയ ബസ് പാസുകൾ നൽകാനുള്ള നടപടികൾ ദ്രുതഗതിയിൽ നടക്കുന്നു . വിദ്യാർഥികളുടെ മേൽവിലാസം, പഠിക്കുന്ന ക്ലാസ് ഉൾപ്പെടെയുള്ള പൂർണമായ വിവരങ്ങൾ ലഭിച്ചയുടൻ പുതിയ പാസ് നൽകുമെന്നും അറിയിച്ചു.

ചെന്നൈ : നാഗർകോവിൽനിന്ന് ചെന്നൈ എഗ്‌മോറിലേക്ക് പ്രഖ്യാപിച്ചിരുന്ന പ്രത്യേക തീവണ്ടിസർവീസ് ജൂൺമാസവും തുടരും. ജൂൺ രണ്ട്, 16, 30 തീയതികളിലാണ് സർവീസ് നടത്തുക. നാഗർകോവിൽനിന്ന് രാത്രി 11.15-ന് പുറപ്പെടുന്ന തീവണ്ടി (06019) പിറ്റേന്ന് രാവിലെ 11.15-ന് എഗ്‌മോറിലെത്തും. ജൂൺ മൂന്ന്, 17, ജൂലായ് ഒന്ന് എന്നീ തീയതികളിൽ എഗ്‌മോറിൽനിന്ന് ഉച്ചയ്ക്കുശേഷം മൂന്നിനുതിരിക്കുന്ന തീവണ്ടി (06020)പിറ്റേന്ന് രാവിലെ 3.15-ന് നാഗർകോവിൽ എത്തും.

ചെന്നൈ : തിരുപ്പത്തൂരിനടുത്ത് റെയിൽവേപ്പാളത്തിൽ വൈദ്യുതിലൈൻ പൊട്ടിവീണതിനാൽ തീവണ്ടി ഗതാഗതം തടസ്സപ്പെട്ടു. ആറ് തീവണ്ടികൾ ഒരു മണിക്കൂറോളം വൈകി. തിങ്കളാഴ്ച രാത്രി 12-ഓടെയാണ് സംഭവം. ബെംഗളൂരു-കന്യാകുമാരി, ചെന്നൈ സെൻട്രൽ-ആലപ്പുഴ എക്സ്പ്രസ്, ചെന്നൈയിൽനിന്ന് മേട്ടുപ്പാളയത്തിലേക്കു പോകുന്ന നീലഗിരി എക്സ്പ്രസ്, കൊച്ചുവേളി- ഗൊരഖ്പുർ എക്സ്‌പ്രസ് ഉൾപ്പെടെ ഏഴ് തീവണ്ടികൾ ഒരുമണിക്കൂറോളം വൈകി. ഒരു മണിക്കൂറിനുള്ളിൽ വൈദ്യുതിലൈനിലെ തകരാർ പരിഹരിച്ച് തീവണ്ടികൾ യാത്ര തുടർന്നു.