Category: TAMILNADU

ചെന്നൈ : കോൺഗ്രസ് നേതാക്കളായ രാഹുൽഗാന്ധി, പ്രിയങ്കാഗാന്ധി, മല്ലികാർജുൻ ഖാർഗെ എന്നിവർ തമിഴ്നാട്ടിൽ ഇന്ത്യ സഖ്യത്തിനുവേണ്ടി പ്രചാരണത്തിനെത്തുമെന്ന് പാർട്ടി സംസ്ഥാന അധ്യക്ഷൻ സെൽവപെരുന്തഗൈ അറിയിച്ചു. ഏപ്രിൽ പത്തിനുള്ളിൽ ഇവർ തമിഴ്‌നാട് സന്ദർശിക്കും. ഒരേദിവസം മൂന്നു സ്ഥലങ്ങളിൽ പ്രചാരണയോഗങ്ങളിൽ പ്രസംഗിക്കുന്നതിനാണ് രാഹുൽഗാന്ധി ക്രമീകരണം നടത്തുക. രാഹുലിന് എത്താൻകഴിയാത്തിടത്ത് പ്രിയങ്കയും ഖാർഗെയും പോകും. മൂന്നു നേതാക്കൾക്കുമായുള്ള തമിഴ്നാട്ടിലെ യാത്രാപദ്ധതികൾ തയ്യാറാക്കി ഹൈക്കമാൻഡിന് അയച്ചിട്ടുണ്ടെന്ന്പാർട്ടി നേതാക്കൾ പറഞ്ഞു.

ചെന്നൈ : രാമനാഥപുരത്ത് സ്വതന്ത്ര സ്ഥാനാർഥിയായി മത്സരിക്കുന്ന മുൻ അണ്ണാ ഡി.എം.കെ. നേതാവ് ഒ. പനീർശെൽവത്തിന് ചക്ക ചിഹ്നം അനുവദിച്ചു. ബക്കറ്റ്, ചക്ക, മുന്തിരി എന്നിവയിലേതെങ്കിലും ഒരു ചിഹ്നം അനുവദിക്കണമെന്നാവശ്യപ്പെട്ടാണ് ഒ. പനീർശെൽവം തിരഞ്ഞെടുപ്പ് കമ്മിഷന് അപേക്ഷ സമർപ്പിച്ചത്. തുടർന്നാണ് ചക്ക ചിഹ്നം അനുവദിച്ചത്

ചെന്നൈ : ലോക്‌സഭാ തിരഞ്ഞെടുപ്പ് സമാധാനപരമായി നടത്താൻ ലക്ഷ്യമിട്ട് ടാസ്മാക് മദ്യ വിൽപ്പനശാലകളിൽ ഫ്ലൈയിങ് സ്ക്വാഡിന്റെ നിരീക്ഷണം. തിരഞ്ഞെടുപ്പ് കഴിയുന്നതുവരെ ഒരാൾക്ക് മൂന്ന് ക്വാർട്ടർ കുപ്പികളിൽ കൂടുതൽ നൽകരുതെന്നാണ് നിർദേശം. ഇത് നിരീക്ഷിക്കാൻ സ്ക്വാഡിനോട് ആവശ്യപ്പെട്ടു. തിരഞ്ഞെടുപ്പ് കമ്മിഷനും ഇക്കാര്യത്തിൽ ശക്തമായ നിയന്ത്രണം ഏർപ്പെടുത്തിയിട്ടുണ്ട്. തിരഞ്ഞെടുപ്പ് സമയത്തു നടക്കുന്ന കുറ്റകൃത്യങ്ങളിൽ ഭൂരിഭാഗവും മദ്യപാനം മൂലമാണെന്ന് കണ്ടെത്തിയതിനെത്തുടർന്നാണ് നടപടി. ഇതേത്തുടർന്നാണ് നിരീക്ഷണം ശക്തമാക്കിയത്. ടാസ്മാക് കടകളിൽനിന്ന് എത്ര കുപ്പി മദ്യമാണ് ആളുകൾ വാങ്ങുന്നതെന്നും അതിൽ കൂടുതൽ വാങ്ങുന്നുണ്ടോ എന്നും അന്വേഷിക്കും. തിരഞ്ഞെടുപ്പ് വിജ്ഞാപനം പുറത്തിറങ്ങിയ ശേഷം…

ചെന്നൈ: കാശിമേട് മത്സ്യ മാർക്കറ്റിൽ കച്ചവടം നടത്താനെത്തുന്ന മൽസ്യ വ്യാപാരികൾ കൊണ്ടുവരുന്ന പണം ഇലക്ഷൻ ഫ്‌ളൈയിംഗ് സ്‌ക്വാഡ് കണ്ടുകെട്ടരുതെന്ന് മത്സ്യത്തൊഴിലാളി അസോസിയേഷൻ്റെ പേരിൽ ചെന്നൈ ജില്ലാ കളക്ടർക്ക് പരാതി നൽകി. ഇത് സംബന്ധിച്ച് അഖിലേന്ത്യാ മത്സ്യത്തൊഴിലാളി അസോസിയേഷൻ്റെ ദേശീയ സംഘടനാ സെക്രട്ടറി നഞ്ചിൽ ജി.ആർ.സേവിയർ ചെന്നൈ ജില്ലാ കളക്ടർക്ക് നൽകിയ പരാതിയിൽ പറയുന്നു. പുറത്തുള്ള ജില്ലകളിൽ നിന്നും മത്സ്യം വാങ്ങുന്നതിനായി ആയിരക്കണക്കിന് മത്സ്യ വിൽപനക്കാരാണ് കാശിമേട് മൊത്ത മത്സ്യ മാർക്കറ്റിൽ എത്തുന്നത്. ചില്ലറ, മൊത്തവ്യാപാരികൾ തുടങ്ങി വിവിധ തരം വ്യാപാരികൾ വന്നു പോകാറുണ്ട്. 10,000…

ചെന്നൈ: തെരഞ്ഞെടുപ്പുമായി ബന്ധപ്പെട്ട പരാതികൾ 100 മിനിറ്റിനുള്ളിൽ പരിഹരിക്കുന്ന ‘സി വിജിൽ’ ആപ്പ് വഴി കഴിഞ്ഞ 14 ദിവസത്തിനുള്ളിൽ 79,000 പരാതികൾ ലഭിച്ചതായും അതിൽ 99 ശതമാനവും പരിഹരിച്ചതായും തിരഞ്ഞെടുപ്പ് കമ്മീഷൻ അറിയിച്ചു. തിരഞ്ഞെടുപ്പ് ക്രമക്കേടുകളുമായി ബന്ധപ്പെട്ട പരാതികൾ വേഗത്തിൽ പരിഹരിക്കുന്നതിനായാണ് 2018-ൽ ഇന്ത്യൻ തിരഞ്ഞെടുപ്പ് കമ്മീഷൻ ‘സി വിജിൽ’ ആപ്പ് പുറത്തിറക്കിയത്. പൊതുജനങ്ങൾക്ക് അവരുടെ ലൊക്കേഷനിൽ നിന്ന് കാണുന്ന തിരഞ്ഞെടുപ്പ് പെരുമാറ്റച്ചട്ടം ലംഘിക്കുന്നത് ഫോട്ടോയായോ വീഡിയോയായോ റെക്കോർഡ് ചെയ്യാനും ഈ ആപ്പ് വഴി അയയ്ക്കാനും കഴിയും. ഈ ആപ്പിൽ ലഭിക്കുന്ന പരാതിയിൽ അടുത്ത…