Category: TAMILNADU

ചെന്നൈ : സാമൂഹികമാധ്യമങ്ങളിൽ പോസ്റ്റ് ചെയ്യുന്നതിനുള്ള റീലിനായി വെള്ളത്തിൽ പെട്രോളൊഴിച്ച് തീകൊളുത്തി അഭ്യാസപ്രകടനം നടത്തിയ രണ്ടുയുവാക്കൾ അറസ്റ്റിൽ. തൂത്തുക്കുടി സാത്താങ്കുളം വാൽതുറൈ സ്വദേശി രഞ്ജിത്ത് ബാലയെയും (23) സുഹൃത്ത് ശിവകുമാറിനെയുമാണ് (21) പോലീസ് അറസ്റ്റുചെയ്തത്. ഇവിടെയുള്ള ചതുപ്പുനിലത്തിൽ കെട്ടിക്കിടന്ന വെള്ളത്തിൽ പെട്രോളൊഴിച്ച് തീകൊളുത്തുകയും രഞ്ജിത്ത് ബാല അതിലേക്ക് ചാടുകയുമായിരുന്നു. പിന്നീട് നീന്തി കരയ്ക്കുകയറി. നിസ്സാര പൊള്ളലേറ്റു. വീഡിയോ സാമൂഹികമാധ്യമങ്ങളിൽ പ്രചരിച്ചതിനെത്തുടർന്നാണ് പോലീസ് കേസെടുത്തത്. രഞ്ജിത്ത് ബാലയ്ക്കും വീഡിയോ ചിത്രീകരണത്തിന് ഒപ്പമുണ്ടായിരുന്ന ശിവകുമാർ, ഇസക്കി രാജ എന്നിവരുടെപേരിലായിരുന്നു കേസ്. ഇസക്കി രാജ ഒളിവിലാണ്. സാഹസിക വീഡിയോകളിലൂടെ…

ചെന്നൈ : ലോക്‌സഭാതിരഞ്ഞെടുപ്പ് പ്രഖ്യാപിച്ചതിനെത്തുടർന്ന് വാഹനപരിശോധനയിൽ തമിഴ്നാട്ടിലെ വിവിധ ഭാഗങ്ങളിൽനിന്നായി ഒരു ദിവസം രണ്ടുകോടിരൂപ പിടിച്ചെടുത്തു. വോട്ടർമാരെ സ്വാധീനിക്കാനായി കൊണ്ടുപോകുന്ന പണം പിടികൂടാനായി സംസ്ഥാനത്ത് തിരഞ്ഞെടുപ്പുകമ്മിഷൻ 702 പോലീസ് സംഘങ്ങളെ നിയോഗിച്ചിരുന്നു. രേഖകളില്ലാതെ 50,000 രൂപയ്ക്കുമുകളിൽ കൊണ്ടുപോകുന്ന പണമാണ് വാഹനപരിശോധനയിൽ പോലീസ് പിടിച്ചെടുക്കുന്നത്. കരൂർ, തഞ്ചാവൂർ, തേനി എന്നീ ജില്ലകളിൽ 4,80,000 രൂപ പിടിച്ചെടുത്തു. തിരുച്ചിയിൽ നടത്തിയ പരിശോധനയിൽ വെങ്കിടേശൻ എന്നയാളിൽനിന്ന് രേഖകളില്ലാത്ത 5,83,500 രൂപ പിടിച്ചെടുത്തു. കുളിത്തലൈ-കരൂർ ഹൈറോഡിൽ മരുത്തൂർ ടോൾ പ്ലാസയിൽ നടത്തിയ വാഹനപരിശോധനയിൽ വിജയകുമാർ എന്നയാളിൽനിന്ന് ഒരു ലക്ഷം രൂപ…

ചെന്നൈ : തമിഴ്‌നാട്ടിൽ നാല് കോർപ്പറേഷനുകൾ കൂടി രൂപവത്കരിക്കുമെന്ന് മുഖ്യമന്ത്രി എം.കെ. സ്റ്റാലിൻ അറിയിച്ചു. തിരുവണ്ണാമലൈ, നാമക്കൽ, കാരൈക്കുടി, പുതുക്കോട്ട എന്നീ മുനിസിപ്പാലിറ്റികളാണ് കോർപ്പറേഷനുകളാക്കി മാറ്റുക. ഇതോടെ സംസ്ഥാനത്തെ കോർപ്പറേഷനുകളുടെ എണ്ണം 25 ആയി ഉയരും. പുതുക്കോട്ട മുനിസിപ്പാലിറ്റിയിൽ 11 ഗ്രാമപ്പഞ്ചായത്തുകൾകൂടി ഉൾപ്പെടുത്തിയാണ് കോർപ്പറേഷനാക്കി മാറ്റുക. തിരുവണ്ണാമലൈ മുനിസിപ്പാലിറ്റിയിൽ 18 ഗ്രാമപ്പഞ്ചായത്തുകളും നാമക്കൽ മുനിസിപ്പാലിറ്റിയിൽ 12 പഞ്ചായത്തുകളും കാരൈക്കുടി മുനിസിപ്പാലിറ്റിയിൽ രണ്ട് ടൗൺ പഞ്ചായത്തുകൾ, അഞ്ച് പഞ്ചായത്തുകൾ എന്നിവയും ഉൾപ്പെടുത്തിയാണ് കോർപ്പറേഷനാക്കി മാറ്റുക. കോർപ്പറേഷൻ പരിധിയിൽ ഉൾപ്പെടുന്ന എല്ലാ പ്രദേശങ്ങളിലും ഗാർഹികമാലിന്യം ഒഴുകിപ്പോകാനുള്ള ഭൂഗർഭ…

ചെന്നൈ: നന്ദമ്പാക്കം മദ്രാസ് യുദ്ധ സെമിത്തേരി, ഭട്ട് റോഡ്, പാൽവെൽസ് റോഡ് എന്നിവിടങ്ങളിൽ മെട്രോ റെയിൽ പണി നടക്കുന്നതിനാൽ മേയ് ആദ്യവാരം മുതൽ താത്കാലിക ഗതാഗതം വഴിതിരിച്ചുവിടൽ പ്രാബല്യത്തിൽ വരും. ചെന്നൈയിലെ രണ്ടാം ഘട്ട മെട്രോ റെയിൽ പദ്ധതി, 116.1 കി.മീ. 3 ചാനലുകളിൽ വിദൂരമായി പ്രവർത്തിക്കുന്നു. 118 മെട്രോ സ്‌റ്റേഷനുകൾ നിർമിക്കാൻ പദ്ധതിയിട്ടിട്ടുണ്ട്, ഇതിൻ്റെ പണികൾ അതിവേഗം പുരോഗമിക്കുകയാണ്. മാധവരം മുതൽ ചോശിങ്ങനല്ലൂർ വരെയുള്ള റൂട്ട് 5 (44.6 കി.മീ.) സി.എം.പി.ഡിയിൽ നിന്ന് ആരംഭിച്ച് കാളിയമ്മൻ ടെമ്പിൾ സ്ട്രീറ്റ്, മൗണ്ട്-പൂന്തമല്ലി റോഡ്, ഭട്ട്…

ചെന്നൈ : രാജീവ് ഗാന്ധി വധക്കേസിൽ ജയിൽമോചിതരായ മുരുകൻ, റോബർട്ട് പയസ്, ജയകുമാർ എന്നിവർ ബുധനാഴ്ച ചെന്നൈയിലെ ശ്രീലങ്കൻ ഡെപ്യൂട്ടി ഹൈക്കമ്മിഷനിൽ ഹാജരായി. ശ്രീലങ്കയിലേക്കു മടങ്ങാനായി പാസ്പോർട്ട് ലഭിക്കുന്നതിനുള്ള വ്യക്തിഗത അഭിമുഖത്തിനായാണ് ഇവരെ എത്തിച്ചത്. ശ്രീലങ്കൻ ഡെപ്യൂട്ടി ഹൈക്കമ്മിഷണർ വെങ്കിടേശ്വരൻ രണ്ടു മണിക്കൂറോളം അവരുമായി അഭിമുഖം നടത്തി. മുരുകനെ കാണാൻ ഭാര്യ നളിനിയും ഇവിടെ എത്തി. നിലവിൽ തിരുച്ചിറപ്പള്ളിയിലെ വിദേശ പൗരർക്കായുള്ള പ്രത്യേക ക്യാമ്പിൽ തടങ്കലിൽ കഴിയുന്ന മൂന്നുപേരെയും കനത്ത പോലീസ് സുരക്ഷയിലാണ് ചെന്നൈയിൽ എത്തിച്ചത്. അഭിമുഖം പൂർത്തിയാക്കിയ ശേഷം തിരുച്ചിറപ്പള്ളിയിലേക്കുതന്നെ കൊണ്ടുപോയി. ഇവർക്കൊപ്പം…