Category: TAMILNADU

ചെന്നൈ : അഞ്ചുമാസം പ്രായമുള്ള കുഞ്ഞിന്റെ ശ്വാസകോശ ശസ്ത്രക്രിയ വിജയകരമായി പൂർത്തിയാക്കി സവിത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസ്. അഞ്ചാംമാസത്തിൽ അമ്മയെ സ്കാനിങ്ങിനു വിധേയമാക്കിയപ്പോൾ കുഞ്ഞിന് ശ്വാസകോശ രോഗസാധ്യത കണ്ടെത്തിയിരുന്നു. പ്രസവശേഷം ആശുപത്രി ഡീൻ ഡോ. ജെ. കുമുദയുടെ നേതൃത്വത്തിലുള്ള നിയോനെറ്റോളജി വിഭാഗവും ഡോ. ഏഴിലരശിയുടെ പീഡിയാട്രിക്സ് വകുപ്പും ചേർന്ന് കുഞ്ഞിനെ പരിചരിച്ച് ശരീരഭാരം വർധിപ്പിച്ചു. തുടർന്നാണ് ഡോ. ജയ്ദുരൈരാജിന്റെ നേതൃത്വത്തിലുള്ള സംഘം ശസ്ത്രക്രിയക്കു വിധേയനാക്കിയത്. സങ്കീർണമായ ശസ്ത്രക്രിയ വിജയകരമായി പൂർത്തിയാക്കിയെന്നും ഭാവിയിൽ കുഞ്ഞിന് ആരോഗ്യപ്രശ്നങ്ങൾ ഉണ്ടാവില്ലെന്നും ഡോക്ടർമാർ അറിയിച്ചു.

ചെന്നൈ: സർക്കാർ സ്‌കൂളുകളിൽ 6 മുതൽ 12 വരെ ക്ലാസുകളിൽ പഠിക്കുന്ന, ഉന്നത വിദ്യാഭ്യാസത്തിന് പോകുന്ന വിദ്യാർഥികൾക്ക് പ്രതിമാസം 1000 രൂപ നൽകുന്ന ‘തമിഴ് പുറ്റുലവൻ’ പദ്ധതി ഓഗസ്റ്റിൽ മുഖ്യമന്ത്രി എം.കെ.സ്റ്റാലിൻ ഉദ്ഘാടനം ചെയ്യും. തമിഴ് പുട്ടുലവൻ പദ്ധതി ലഭിക്കാൻ ആധാർ നമ്പർ നിർബന്ധമാണ്. യോഗ്യരായ വിദ്യാർത്ഥികൾക്ക് ആധാർ നമ്പർ ഉണ്ടെന്ന് ഉറപ്പാക്കാൻ വിദ്യാഭ്യാസ സ്ഥാപനങ്ങൾ നടപടിയെടുക്കാൻ ഈ പദ്ധതിക്കുള്ള നിർദ്ദേശത്തിൽ വ്യക്തമാക്കിയിട്ടുണ്ട് . വിദ്യാഭ്യാസ സ്ഥാപനങ്ങൾ ഈ വിവരം എല്ലാ വിദ്യാർത്ഥികൾക്കും പരസ്യം ചെയ്യണം. വിദ്യാർത്ഥികൾക്ക് അടുത്തുള്ള ആധാർ കേന്ദ്രങ്ങളിൽ പോയി ആധാർ…

പഴനി : പഴനിയിലും ചുറ്റുമുള്ള പ്രദേശങ്ങളിലും ബുധനാഴ്ച വൈകുന്നേരം ഉണ്ടായ ശക്തമായ ചുഴലിക്കാറ്റിൽ പല ഭാഗങ്ങളിലും മരങ്ങൾ കടപുഴകി വീണു. സർക്കാർ ബസിന്റെ മുകൾഭാഗത്തെ ഷീറ്റിളകി. വീടിന്റെ മേൽക്കൂരയിലെ ഷീറ്റും തകർന്നു.

ചെന്നൈ : പുതുച്ചേരി ലാസ്‌പെട്ടിൽ അവശനിലയിൽ കണ്ടെത്തിയ മലയാളിയെ കേരള പോലീസിനു കൈമാറി. പോണ്ടിച്ചേരി കേരളസമാജം പ്രവർത്തകരുടെ സമയോചിത ഇടപെടലിനെത്തുടർന്നാണ് കൊല്ലം മുഖത്തല സ്വദേശി എം.ആർ. മണിയെന്ന രാമചന്ദ്രനെ കോഴിക്കോട് വെള്ളയിൽ സ്റ്റേഷനിലെ സീനിയർ പോലീസ് ഓഫീസർമാരെത്തിയാണ് കൊണ്ടുപോയത്. കോഴിക്കോട്ടുനിന്ന് തീവണ്ടിയിൽ 14-ന് പുതുച്ചേരിയിലെത്തിയ രാമചന്ദ്രനെ ഇവർ ‘ബഡ്സ് ഓഫ് ഹെവൻ’ എന്ന വയോധികകേന്ദ്രത്തിലേക്കു മാറ്റി. തുടർന്ന് കൊട്ടാരക്കര, കൊല്ലം പോലീസ് സ്റ്റേഷനുമായി ബന്ധപ്പെട്ടെങ്കിലും ബന്ധുക്കൾ ഏറ്റെടുക്കാൻ തയ്യാറല്ലായിരുന്നു. ഭാര്യയുടെ മരണശേഷം കോഴിക്കോടുള്ള വയോജനമന്ദിരത്തിൽ താമസിക്കുകയായിരുന്നു. അവിടെനിന്ന് കാണാതായതിനെത്തുടർന്ന് വെള്ളയിൽ പോലീസ് അന്വേഷണം നടക്കുന്നതിനിടെയാണ്…

ചെന്നൈ : കള്ളപ്പണം വെളുപ്പിക്കൽ കേസിൽ തമിഴ്‌നാട് മുൻമന്ത്രി സെന്തിൽ ബാലാജിക്കെതിരേയുള്ള ഡിജിറ്റൽ തെളിവ് ഹാജരാക്കാൻ എൻഫോഴ്‌സ്‌മെന്റ് ഡയറക്ടറേറ്റിനോട് (ഇ.ഡി.) സുപ്രീംകോടതി. ബാലാജി സമർപ്പിച്ച ജാമ്യാപേക്ഷ പരിഗണിക്കുകയായിരുന്നു കോടതി. ബാലാജിയുടെ വീട്ടിൽനിന്ന് കണ്ടെടുത്ത പെൻഡ്രൈവിൽ തെളിവുണ്ടെന്നായിരുന്നു ഇ.ഡി.യുടെ വാദം. 67 കോടി രൂപയുടെ തട്ടിപ്പുനടത്തിയതായി തെളിയിക്കുന്ന രേഖകൾ പെൻഡ്രൈവിലുണ്ടെന്നും വാദിച്ചിരുന്നു. എന്നാൽ, ഇത്തരത്തിൽ ഒരു തെളിവ് അടങ്ങിയ ഫയൽ ഈ പെൻഡ്രൈവിൽ ഇല്ലെന്നാണ് ബാലാജിയുടെ അഭിഭാഷകൻ വാദിച്ചത്. തുടർന്നാണ് പെൻഡ്രൈവിലെ തെളിവ് ഹാജരാക്കാൻ നിർദേശിച്ചത്. ബാലാജിയുടെ വീട്ടിൽനിന്ന് കണ്ടെടുത്ത പെൻഡ്രൈവ് ഫൊറൻസിക് പരിശോധനയ്ക്കയച്ചു നൽകുകയും…

ചെന്നൈ: കായികമന്ത്രി ഉദയനിധി സ്റ്റാലിൻ സംസ്ഥാനത്തെ നിഴൽ മുഖ്യമന്ത്രിയായി പ്രവർത്തിക്കുകയാണെന്ന് അണ്ണാ ഡി.എം.കെ. മുഖ്യമന്ത്രി സ്റ്റാലിന്റെ മകൻ എന്നനിലയിലാണ് ഉദയനിധി ഭരണം നിയന്ത്രിക്കുന്നതെന്നും അണ്ണാ ഡി.എം.കെ. മുതിർന്ന നേതാവ് ഡി. ജയകുമാർ ആരോപിച്ചു. ഡി.എം.കെ.യിൽ കുടുംബാധിപത്യമാണ്. അതുകൊണ്ടാണ് ഉദയനിധിയ്ക്ക് ഉപമുഖ്യമന്ത്രി സ്ഥാനം നൽകാൻ ഒരുങ്ങുന്നത്. പാർട്ടിയിലും ഭരണത്തിലുമുള്ള പരിചയം പരിഗണിച്ചാൽ ജലവിഭവ മന്ത്രി ദുരൈമുരുകനെയാണ് ഉപമുഖ്യമന്ത്രിയാക്കേണ്ടതെന്ന് ജയകുമാർ പറഞ്ഞു.

ചെന്നൈ : ഇന്റഗ്രൽ കോച്ച് ഫാക്ടറി(ഐ.സി.എഫ്.)യിൽനിന്ന് അഞ്ച് വന്ദേഭാരത് തീവണ്ടികൾ ഉടൻ ട്രാക്കിലിറങ്ങും. 16 കോച്ചുകളടങ്ങിയ അഞ്ച് തീവണ്ടികളാണ് സർവീസിന് സജ്ജമായത്. റൂട്ട് സംബന്ധിച്ച റെയിൽവേ ബോർഡിന്റെ തീരുമാനം ഉടൻ പുറത്തുവരുമെന്നും അധികൃതർ അറിയിച്ചു. ഐ.സി.എഫ്. ഇതുവരെ 70 വന്ദേഭാരത് തീവണ്ടികളാണ് നിർമിച്ചത്. ഈവർഷം വന്ദേഭാരതിന്റെ 650 കോച്ചുകൾ നിർമിക്കാനാണ് ഐ.സി.എഫ്. ലക്ഷ്യമിടുന്നത്. ഇതുവരെ എ.സി. ചെയർ കാർ തീവണ്ടികളാണ് പുറത്തിറങ്ങിയത്. ഈ വർഷം തന്നെ 20, 24 കോച്ചുകളടങ്ങിയ സ്ലീപ്പർ വന്ദേഭാരത് തീവണ്ടികൾകൂടി ഐ.സി.എഫ്. പുറത്തിറക്കും.