Day: 25 April 2024

ചെന്നൈ : സർക്കാർ വിദ്യാലയങ്ങൾ ബുധനാഴ്ച അടച്ചതോടെ തമിഴ്‌നാട്ടിൽ വേനലവധി തുടങ്ങി. ലോക്‌സഭാ തിരഞ്ഞെടുപ്പ് ഫലം പുറത്തു വരുന്ന ജൂൺനാലിന് ശേഷം മാത്രമേ ഇനി സ്‌കൂളുകൾ തുറക്കുകയുളളൂ. കനത്തചൂട് മൂലം സ്‌കൂളുകൾ തുറക്കുന്നത് വീണ്ടും നീളാൻ സാധ്യതയുണ്ടെന്ന സൂചനയുണ്ട്. ക്ലാസുകൾ തുടങ്ങുന്ന തീയതി പിന്നീട് അറിയിക്കുമെന്നാണ് വിദ്യാഭ്യാസവകുപ്പ് അറിയിച്ചിരിക്കുന്നത്.

ചെന്നൈ : വായിൽവെക്കുമ്പോൾ പുകവരുന്ന സ്‌മോക്ക് ബിസ്കറ്റ് നിരോധിക്കാനുള്ള നീക്കവുമായി തമിഴ്‌നാട്. ഇതിനു മുന്നോടിയായി ഭക്ഷ്യസുരക്ഷാവകുപ്പ് നടപടികൾ ശക്തമാക്കി. കുട്ടികൾ സ്‌മോക്ക് ബിസ്കറ്റ് കഴിക്കരുതെന്നും ജീവൻ അപകടത്തിലാവുമെന്നും മുന്നറിയിപ്പ് നൽകിത്തുടങ്ങി. ഇത്തരം ഭക്ഷണപദാർഥങ്ങൾ വിൽക്കരുതെന്ന് ഹോട്ടലുകൾക്കും റസ്റ്ററന്റുകൾക്കും പ്രത്യേക നിർദേശവും നൽകി. സ്‌മോക്ക് ബിസ്‌കറ്റിനുപുറമേ നൈട്രജൻ ഐസ് കലർന്ന ഭക്ഷണങ്ങളും വിൽക്കാൻപാടില്ല. ഭക്ഷണത്തിൽ ഡ്രൈ ഐസ് ഉപയോഗിക്കരുതെന്നും നിർദേശമുണ്ട്. നിയമം ലംഘിക്കുന്നവർക്ക് പത്തുവർഷം തടവും പത്തുലക്ഷം രൂപ പിഴയുമാണ് ശിക്ഷ. ദ്രവനൈട്രജൻ ശരീരകോശങ്ങളെ മരവിപ്പിക്കുകയും ദഹനനാളിയെ സാരമായി ബാധിക്കുകയും ചെയ്യുമെന്നും ഭക്ഷ്യസുരക്ഷാവകുപ്പ് മുന്നറിയിപ്പുനൽകുന്നു. ആദ്യഘട്ടത്തിൽ…

ചെന്നൈ : കടുത്ത ചൂട് കാരണം തമിഴ്‌നാട്ടിലേക്കുള്ള വിനോദ സഞ്ചാരികളുടെ എണ്ണത്തിൽ കുറവ്. തെക്കൻ ജില്ലകളിലെ വിവിധ വിനോദസഞ്ചാര കേന്ദ്രങ്ങളിലേക്കുള്ള സഞ്ചാരികളുടെ എണ്ണത്തിലാണ് കുറവ് വന്നത്. വെള്ളമില്ലാത്തതിനാൽ വന്യജീവികൾ കാടുവിട്ട് നാട്ടിലിറങ്ങുന്നുവെന്ന വാർത്തയും വിനോദ സഞ്ചാരികളെ അകറ്റാൻ കാരണമായി. ചൂട് സഹിക്കാൻ കഴിയാത്തതും നദികളിലെയും തടാകങ്ങളിലെയും വെള്ളം വറ്റിയതും സഞ്ചാരികൾ കുറയാൻ കാരണമായി. കഴിഞ്ഞവർഷം ജനുവരി മുതൽ മേയ് വരെയുള്ള കാലയളവിൽ 4.42 ലക്ഷം വിദേശ വിനോദ സഞ്ചാരികൾ തമിഴ്‌നാട്ടിലെത്തി. ആഭ്യന്തര സഞ്ചാരികളടക്കം 72 ലക്ഷം പേർ ഇതേ കാലയളവിൽ കഴിഞ്ഞവർഷം തമിഴ്‌നാട്ടിലെത്തിയിരുന്നു. വിനോദ…