Category: TAMILNADU

ചെന്നൈ : ബംഗാൾ ഉൾക്കടലിൽ ന്യൂനമർദം വെള്ളിയാഴ്ച തീവ്ര ന്യൂനമർദമാകുന്നതോടെ അടുത്ത രണ്ടുദിവസങ്ങളിൽ മിക്കജില്ലകളിലും മഴപെയ്യുമെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. തെക്കൻ ജില്ലകളിൽ ചൊവ്വാഴ്ചയും കനത്തമഴ പെയ്തു. തീവ്രന്യൂനമർദം പശ്ചിമബംഗാളിലൂടെ കരയിലെത്തും. ഈ ഘട്ടത്തിൽ പശ്ചിമഘട്ടത്തിലും സംസ്ഥാനത്തെ പടിഞ്ഞാറൻ ജില്ലകളിലും മഴ ലഭിക്കും. ന്യൂനമർദം കരയിലെത്തുമ്പോൾ ചുഴലിക്കാറ്റാകാനുള്ള സാധ്യതയുണ്ടെന്നും കാലാവസ്ഥാ നിരീക്ഷണകേന്ദ്രം അറിയിച്ചു.

ചെന്നൈ : നെമ്മേലിയിലെ കടൽവെള്ള ശുദ്ധീകരണ കേന്ദ്രത്തിൽ അറ്റകുറ്റപ്പണികൾ നടക്കുന്നതിനാൽ ഈ മാസം 24 മുതൽ ജൂൺ രണ്ട് വരെ ചെന്നൈ കോർപറേഷനിലെ നാല് സോണുകളിൽ കുടിവെള്ള വിതരണം ഒന്നിടവിട്ട ദിവസങ്ങളിൽ മാത്രം. തേനാംപ്പേട്ട, അഡയാർ, പെരുങ്കുടി, ഷോളിങ്കനല്ലൂർ എന്നീ സോണുകളിലാണ് കുടിവെള്ളം ഒന്നിടവിട്ട ദിവസങ്ങളിൽ വിതരണം ചെയ്യുക. തേനാംപ്പേട്ട സോണിലെ മന്ദവേലി, മൈലാപ്പൂർ, രാജ അണ്ണാമലൈപുരം, നന്ദനം, ട്രിപ്ലിക്കേൻ, റോയപ്പേട്ട എന്നിവിടങ്ങളിലും അഡയാർ സോണിൽ ബസന്ത് നഗർ, ബേബി നഗർ, തന്തൈ പെരിയാർ നഗർ, കരുണാനിധി നഗർ, വേളാച്ചേരി, പള്ളിപ്പെട്ട്, തിരുവള്ളൂർ നഗർ,…

ഊട്ടി : നീലഗിരി പൈതൃക തീവണ്ടിപ്പാതയിലെ ഹിൽ ഗ്രോവ് റെയിൽവേസ്റ്റേഷനിൽ കാട്ടാനകൾ ഇറങ്ങി ഓഫീസിലും സമീപത്തെ മുറികളിലും നാശങ്ങൾ വിതച്ചു. ബുധനാഴ്ച പുലർച്ചെയാണ് കുട്ടികൾ ഉൾപ്പെടെയുള്ള കാട്ടാനക്കൂട്ടം കാടിറങ്ങി റെയിൽവേസ്റ്റേഷനിൽ എത്തിയത്. ആനകൾ കുടിവെള്ള പൈപ്പ് ലൈൻ, ഫർണിച്ചറുകൾ, കതക് തുടങ്ങിയവ നശിപ്പിച്ചു. കുറേ സമയത്തിനുശേഷം കാട്ടിലേക്ക് തിരിച്ചുപോയി. ഹിൽ ഗ്രോവ് റെയിൽവേസ്റ്റേഷൻ പരിസരം കാട്ടാനകൾ ഇറങ്ങുന്നത് പതിവായിരിക്കുകയാണ്. ട്രെയിൻ ഗതാഗതവും തടസ്സപ്പെടാറുണ്ട്.

ചെന്നൈ: കനത്ത മഴയിൽ കഴിഞ്ഞ ഒരാഴ്ചയ്ക്കിടെ 12 പേർ മരിച്ചതായി തമിഴ്‌നാട് സർക്കാർ അറിയിച്ചു. ചൊവ്വാഴ്ച റാണിപേട്ട് ജില്ലയിൽ ഇടിമിന്നലേറ്റ് ഒരാൾ മരിച്ചു. കഴിഞ്ഞ 24 മണിക്കൂറിനുള്ളിൽ സംസ്ഥാനത്തിൻ്റെ വിവിധ ഭാഗങ്ങളിലായി കനത്ത മഴയിൽ 19 കന്നുകാലികൾ മരിക്കുകയും 55 കുടിലുകൾ/വീടുകൾക്ക് കേടുപാടുകൾ സംഭവിക്കുകയും ചെയ്തു. തെക്കുപടിഞ്ഞാറൻ ബംഗാൾ ഉൾക്കടലിൽ ബുധനാഴ്ചയോടെ ന്യൂനമർദം രൂപപ്പെട്ടതായി കാലാവസ്ഥാ നിരീക്ഷണ കേന്ദ്രം അറിയിച്ചു. പ്രവചനം കണക്കിലെടുത്ത് കന്യാകുമാരി, കോയമ്പത്തൂർ, തിരുനെൽവേലി, നീലഗിരി ജില്ലകളിൽ 296 അംഗങ്ങളുള്ള പത്ത് എസ്ഡിആർഎഫ് ടീമുകളെ നിയോഗിച്ചിട്ടുണ്ട്.

ചെന്നൈ : നഗരത്തിൽ തിങ്കളാഴ്ചയും ചൊവ്വാഴ്ചയും രാത്രിപെയ്ത മഴയെത്തുടർന്ന് ചൂട് കുറഞ്ഞു. നഗരത്തിന്റെ വിവിധഭാഗങ്ങളിൽ ചാറ്റൽമഴയാണ് പെയ്തത്. വരുംദിവസങ്ങളിലും ചെന്നൈ, ചെങ്കൽപ്പെട്ട്, തിരുവള്ളൂർ, കാഞ്ചീപുരം എന്നീ ജില്ലകളിലും മഴ പെയ്യുമെന്ന് കാലാവസ്ഥാ നിരീക്ഷണ കേന്ദ്രത്തിൽനിന്ന് അറിയിച്ചു. ന്യൂനമർദത്തെത്തുടർന്ന് വെല്ലൂർ, കാഞ്ചീപുരം, തിരുപ്പത്തൂർ, തിരുവണ്ണാമലൈ, കൃഷ്ണഗിരി, ധർമപുരി, ഈറോഡ്, നീലഗിരി, സേലം, നാമക്കൽ, തിരുച്ചിറപ്പള്ളി, പെരമ്പല്ലൂർ, വിഴുപുരം, ദിണ്ടിഗൽ, മധുര, രാമനാഥപുരം, കന്യാകുമാരി, കടലൂർ, കരൂർ, കള്ളക്കുറിച്ചി, മൈലാടുതുറൈ, കോയമ്പത്തൂർ ജില്ലകളിൽ അടുത്ത രണ്ട് ദിവസങ്ങളിൽ കനത്തമഴയ്ക്ക് സാധ്യതയുണ്ട്.