ചെന്നൈ: സ്വാതന്ത്ര്യ ദിനത്തോടനുബന്ധിച്ച് ഓഗസ്റ്റ് 15 (വ്യാഴം) ചെന്നൈ ജില്ലയിലെ എല്ലാ ടാസ്മാക് മദ്യ റീട്ടെയിൽ ഷോപ്പുകളും അനുബന്ധ ബാറുകളും തുറക്കില്ലെന്ന് ചെന്നൈ ജില്ലാ കളക്ടർ രശ്മി സിദ്ധാർത്ഥ് ജഗഡെ ഇന്നലെ വാർത്താക്കുറിപ്പിൽ അറിയിച്ചു . ആഗസ്റ്റ് 15ന് (വ്യാഴം) ഹോട്ടലുകളോട് അനുബന്ധിച്ചുള്ള ബാറുകൾ, എഫ്എൽ 3(എ), എഫ്എൽ 3 (എഎ) എന്നിവ അടച്ചിടുമെന്നും ഇവ തുറന്ന് പ്രവർത്തിച്ച് കുറ്റക്കാരാണെന്ന് കണ്ടെത്തിയാൽ കർശന നടപടിയെടുക്കുമെന്നും ജില്ലാ കളക്ടർ പറഞ്ഞു.
Read More
ചെന്നൈ : യാത്രാതിരക്ക് കുറയ്ക്കാൻ ചെന്നൈ സെൻട്രലിൽനിന്ന് കൊച്ചുവേളിയിലേക്ക് ബുധനാഴ്ച പ്രത്യേക എ.സി. എക്സ്പ്രസ് തീവണ്ടി അനുവദിച്ചു. പ്രഖ്യാപിച്ച് മണിക്കൂറുകൾകം ബുക്കിങ് കഴിഞ്ഞു. കൊച്ചുവേളിയിൽനിന്ന് തിരിച്ചുള്ള സർവീസുകളിൽ ബർത്തുകൾ ഒഴിവുണ്ട്. തീവണ്ടിയുടെ പ്രഖ്യാപനത്തോടൊപ്പം റിസർവേഷനും ആരംഭിച്ചിരുന്നു. ഓഗസ്റ്റ് 14-നും 21-നും ഉച്ചയ്ക്കുശേഷം 3.45-ന് തിരിക്കുന്ന പ്രത്യേക വണ്ടി(06043) പിറ്റേന്ന് രാവിലെ 8.30-നാണ് കൊച്ചുവേളിയിലെത്തുക. കൊച്ചുവേളിയിൽനിന്ന് ഓഗസ്റ്റ് 15, 22 തീയതികളിൽ വൈകീട്ട് 6.25-ന് പുറപ്പെടുന്ന പ്രത്യേക വണ്ടി(06044) പിറ്റേന്ന് രാവിലെ 11.25-ന് ചെന്നൈ സെൻട്രലിലെത്തും. 14-നുള്ള സർവീസിലെ ബർത്തുകളാണ് ബുക്കുചെയ്തുകഴിഞ്ഞത്. തിരുവള്ളൂർ, ആർക്കോണം, കാട്പാടി,…
Read More
ചെന്നൈ : മുഖ്യമന്ത്രി എം.കെ. സ്റ്റാലിനെ ക്കുറിച്ച് നടത്തിയ പരാമർശത്തിന്റെ പേരിൽ അണ്ണാ ഡി.എം.കെ. മുതിർന്ന നേതാവും മുൻമന്ത്രിയുമായ സി.വി. ഷൺമുഖത്തിന് എതിരേ രജിസ്റ്റർ ചെയ്ത മാനനഷ്ടക്കേസ് മദ്രാസ് ഹൈക്കോടതി റദ്ദാക്കി. 2022-ൽ വിഴുപുരത്ത് നടന്ന പൊതുസമ്മേളനത്തിനിടെ നടത്തിയ പരാമർശമായിരുന്നു കേസിനടിസ്ഥാനം. ഇതിന്റെ പേരിൽ ദിണ്ടിവനം പോലീസ് രജിസ്റ്റർ ചെയ്ത കേസിനെതിരേ ഷൺമുഖം ഹൈക്കോടതിയെ സമീപിക്കുകയായിരുന്നു.
Read More
ചെന്നൈ : ചൂളൈമേടിനും വിരുഗംപാക്കത്തിനുമിടയിലുള്ള കനാലിന്കുറുകെ തുരങ്കപ്പാത നിർമിക്കുമെന്ന് മുഖ്യമന്ത്രി എം.കെ. സ്റ്റാലിൻ പറഞ്ഞു. ഇതിനായി 1.60 കോടി വകയിരുത്തി. വിരുഗംപാക്കം കനാലിന് സമീപമുള്ള റെയിൽവേ കോളനിയെയും മാതാകോളനിയും ബന്ധിച്ചാണ് തുരങ്കപ്പാത നിർമിക്കുക. ഇരുചക്ര, മൂന്ന് ചക്രവാഹനങ്ങൾക്ക്‌ സുഗമമായി പോകാൻ കഴിയും. കാൽനട യാത്രക്കാർക്കായി ഇരുഭാഗത്തുമായി പ്രത്യേക സ്ഥലമുണ്ടാകും. അമ്പത്തൂരിൽ വാർഡ് 81-നെയും വാർഡ് 85-നെയും ബന്ധിപ്പിച്ചുകൊണ്ട് 11.40 കോടി ചെലവിൽ റോഡ് അടിപ്പാത നിർമിക്കും. ഗിണ്ടിപ്പാലം മുതൽ ചക്രപാണി ജങ്ഷൻ വരെ റേസ് ക്രോസ് വഴിയുള്ള റോഡ് നവീകരിക്കാൻ 20.75 കോടി രൂപ…
Read More
ചെന്നൈ: ബി.ജെ.പി. തമിഴ്‌നാട് സംസ്ഥാനപ്രസിഡന്റ് കെ. അണ്ണാമലൈക്ക്‌ വിദേശപഠനം നടത്താൻ മൂന്നുമാസം അവധി. യു.കെ.യിൽ ഫെലോഷിപ്പ് ലഭിച്ചതിനെത്തുടർന്നാണ് അണ്ണാമലൈ അവധിതേടി ദേശീയനേതൃത്വത്തെ സമീപിച്ചത്. ഈമാസം ആദ്യവാരം ഡൽഹിയിൽ പാർട്ടി പ്രസിഡന്റ് ജെ.പി. നഡ്ഡ അടക്കമുള്ള നേതാക്കളുമായി കൂടിക്കാഴ്ച നടത്തിയിരുന്നു. അവധി അനുവദിച്ചതോടെ സെപ്റ്റംബറിൽ അണ്ണാമലൈ യു.കെ.യിലേക്ക് പോകുമെന്ന് ഉറപ്പായി. സംസ്ഥാന പ്രസിഡന്റിന്റെ താത്കാലികചുമതല ആർക്കും നൽകില്ലെന്നാണ് സൂചന. നിലവിലുള്ള രണ്ടാംനിരനേതാക്കൾ പ്രവർത്തനങ്ങൾക്ക് നേതൃത്വം നൽകും. വിജയ്‌യുടെ രാഷ്ട്രീയപ്രവേശം, ഉദയനിധിയുടെ ഉപമുഖ്യമന്ത്രി സ്ഥാനാരോഹണം എന്നിവയടക്കം തമിഴ്‌നാട് രാഷ്ട്രീയത്തിലെ സുപ്രധാന വഴിത്തിരിവുകളുടെ സമയത്താണ് അണ്ണാമലൈ പ്രവർത്തനരംഗത്തുനിന്ന് മാറിനിൽക്കുന്നത്.…
Read More
ചെന്നൈ : കടം വാങ്ങിയ പണം ചോദിച്ചെത്തുന്നവരുടെ സഹതാപം പിടിച്ചുപറ്റാൻ യുവതി ഏഴു വയസ്സുകാരിയായ മകളെ കിണറ്റിലെറിഞ്ഞ് കൊന്നു. കള്ളക്കുറിച്ചി ശങ്കരാപുരം സ്വദേശി പ്രകാശിന്റെ ഭാര്യ സത്യ (30) ആണ് മകൾ തുഖാറയെ കൊലപ്പെടുത്തിയത്. സംഭവത്തിൽ സത്യയ്ക്കെതിരേ കൊലക്കുറ്റത്തിന് കേസെടുത്ത് പോലീസ് അറസ്റ്റുചെയ്തു. രണ്ടാംക്ലാസിൽ പഠിക്കുന്ന തുഖാറയെ കഴിഞ്ഞദിവസം കളിക്കുന്നതിനിടെയാണ് കാണാതായത്. തുടർന്ന് പ്രകാശ് ശങ്കരാപുരം പോലീസിൽ പരാതി നൽകി. സി.സി.ടി.വി ദൃശ്യങ്ങളിൽ സത്യയ്ക്കൊപ്പം മകൾ ബസ് സ്റ്റാൻഡിനു സമീപത്തിലൂടെ നടന്നുപോകുന്നതായി കണ്ടെത്തി. ഇതിനിടെയാണ് ഞായറാഴ്ച രാത്രിയോടെ കൃഷിയിടത്തിലെ കിണറ്റിൽ തുഖാറയുടെ മൃതദേഹം കണ്ടെത്തിയത്.…
Read More
ചെന്നൈ : ചെന്നൈയിൽ നിന്ന് ഫ്രാങ്ക്ഫർട്ടിലേക്കുള്ള വിമാനയാത്രയ്ക്കിടെ ഹൃദയാഘാതംമൂലം വയോധികൻ മരിച്ചു. ചെന്നൈ സ്വദേശി ജഗന്നാഥൻ (92) ആണ് മരിച്ചത്. യാത്രയ്ക്കിടെ നെഞ്ചുവേദന അനുഭവപ്പെട്ടതിനെത്തുടർന്ന് വിമാനജീവനക്കാർ പ്രാഥമികചികിത്സ നൽകിയെങ്കിലും ഫലമുണ്ടായില്ല. തുടർന്ന്, പൈലറ്റ് എയർപോർട്ട് ട്രാഫിക് കൺട്രോളിനെ (എ.ടി.സി.) ഉടൻ വിവരമറിയിച്ചശേഷം വിമാനം അടിയന്തരമായി നിലത്തിറക്കി. ഡോക്ടർമാർ വിമാനത്തിൽക്കയറി പരിശോധിച്ചപ്പോഴക്കും ജഗന്നാഥൻ മരിച്ചിരുന്നു. എയർപോർട്ട് പോലീസ് മൃതദേഹം പോസ്റ്റ്മോർട്ടത്തിനായി ക്രോംപേട്ട് സർക്കാർ ആശുപത്രിയിലേക്കുമാറ്റി. പിന്നീട്, ചെന്നൈയിൽനിന്ന് മറ്റൊരുവിമാനത്തിൽ ഞായറാഴ്ച പുലർച്ചെ 4.20-ഓടെ 196 യാത്രക്കാരെ കയറ്റിയയച്ചു.
Read More
ചെന്നൈ : ചെറിയ ഉപഗ്രഹങ്ങൾ കുറഞ്ഞ ചെലവിൽ വിക്ഷേപിക്കുന്നതിന് ഐ.എസ്.ആർ.ഒ. രൂപകല്പനചെയ്ത സ്മോൾ സാറ്റലൈറ്റ് ലോഞ്ച് വെഹിക്കിളി (എസ്.എസ്.എൽ.വി)ന്റെ മൂന്നാം വിക്ഷേപണം 16-ന് നടക്കും. വിക്ഷേപണം സ്വാതന്ത്ര്യദിനത്തിലായിരിക്കുമെന്നാണ് ആദ്യം അറിയിച്ചിരുന്നത്. ഭൗമനിരീക്ഷണ ഉപഗ്രഹമായ ഇ.ഒ.എസ്.-08 നെയും വഹിച്ചുകൊണ്ടാണ് ശ്രീഹരിക്കോട്ടയിലെ സതീഷ് ധവാൻ സ്‌പെയ്‌സ് സെന്ററിൽനിന്ന് രാവിലെ 9.17-ന് റോക്കറ്റ് കുതിക്കുക. എസ്.എസ്.എൽ.വിയുടെ അവസാനത്തെ പരീക്ഷണ വിക്ഷേപണമായിരിക്കും ഇത്. അതോടെ ഈ വിക്ഷേപണ വാഹനം പൂർണസജ്ജമായതായി പ്രഖ്യാപിക്കുകയും വാണിജ്യ വിക്ഷേപണങ്ങൾക്ക് ഉപയോഗിക്കുകയും ചെയ്യും.
Read More
ചെന്നൈ : ഗതാഗതക്കുരുക്ക് നിയന്ത്രിക്കാൻ വണ്ടല്ലൂർ- കേളമ്പാക്കം റോഡിൽ ഭാരവണ്ടികൾക്ക് നിയന്ത്രണം. രാവിലെ ഏഴ് മുതൽ 11 വരെയും വൈകീട്ട് നാല് മുതൽ രാത്രി 10 വരെയുമാണ് നിയന്ത്രണം. ഷോളിങ്കനല്ലൂർ മുതൽ കേളമ്പാക്കം വരെയുള്ള 22 കിലോമീറ്റർ ദൈർഘ്യമുള്ള റോഡിന് സമീപമായി സ്കൂളുകൾ, കോളേജുകൾ, സർവകലാശാല തുടങ്ങിയവ സ്ഥിതി ചെയ്യുന്നുണ്ടെന്ന് ട്രാഫിക്ക് പോലീസ് അറിയിച്ചു. ഭാരവണ്ടികൾ ഇതു വഴി പോകുന്നതു മൂലം ബസുകൾ ഉൾപ്പെടെയുള്ള വാഹനങ്ങൾക്ക് പോകാൻ ഏറെ നേരം കാത്തിരിക്കേണ്ടി വരുന്നു. ഗതാഗതം സാധാരണ നിലയിലാക്കുന്നതിനാണ് ഭാരവണ്ടികൾക്ക് നിയന്ത്രണം ഏർപ്പെടുത്തുന്നത്. ഇതോടൊപ്പം യാത്രക്കാരുടെ…
Read More
ചെന്നൈ : തമിഴ്‌നാട്ടിലെ നാഗപട്ടണത്തു നിന്ന് ശ്രീലങ്കയിലെ കാങ്കേശൻതുറയിലേക്കുള്ള കപ്പൽ സർവീസ് 16-ന് പുനരാരംഭിക്കും. റിസർവേഷൻ ചൊവ്വാഴ്ച തുടങ്ങുമെന്ന് സർവീസ് നടത്തുന്ന ഇൻഡ് ശ്രീ ഫെറി സർവീസ് തിങ്കളാഴ്ച അറിയിച്ചു. മാസങ്ങൾനീണ്ട അനിശ്ചിതത്വത്തിനുശേഷമാണ് സർവീസ് വീണ്ടും തുടങ്ങുന്നത്. അന്തമാനിൽനിന്നു കൊണ്ടുവന്ന ‘ശിവഗംഗ’ എന്ന കപ്പലാണ് സർവീസിന് ഉപയോഗിക്കുന്നത്. കപ്പലിന്റെ പരീക്ഷണയാത്ര വിജയമായിരുന്നെന്നും മറ്റുസജ്ജീകരണങ്ങളെല്ലാം പൂർത്തിയായെന്നും ഇൻഡ് ശ്രീ ഫെറി സർവീസ് മാനേജിങ് ഡയറക്ടർ എസ്. നിരഞ്ജൻ നന്ദഗോപൻ അറിയിച്ചു. നാഗപട്ടണത്തുനിന്ന് ജാഫ്‌നയിലെ കാങ്കേശൻതുറയിലേക്കുള്ള 111 കിലോമീറ്റർ ദൂരം താണ്ടാൻ മൂന്നരമുതൽ നാലുവരെ മണിക്കൂർ സമയമാണ്…
Read More