Category: TAMILNADU

ചെന്നൈ : മുൻ മുഖ്യമന്ത്രിയും ഡി.എം.കെ. അധ്യക്ഷനുമായ എം. കരുണാനിധിയുടെ ജിവിതത്തിലെ സുപ്രധാന മുഹൂർത്തങ്ങൾ കോർത്തിണക്കിയ ഫോട്ടോ പ്രദർശനം കാണാൻ മകനും മുഖ്യമന്ത്രിയുമായ എം.കെ. സ്റ്റാലിനും ഭാര്യ ദുർഗയും എത്തി. ചെന്നൈയിലെ രാജ അണ്ണാമലൈ മൺട്രത്തിൽ നടക്കുന്ന പ്രദരശനത്തിനെത്തിയ സ്റ്റാലിനും ഭാര്യയും ഒരു മണിക്കൂറോളം ഇവിടെ ചെലവഴിച്ചു. സാഹിത്യം, സിനിമ, രാഷ്ട്രീയം, പത്രപ്രവർത്തനം തുടങ്ങി കരുണാനിധിയുടെ ജിവിതത്തിന്റെ പലവിധ ഏടുകൾ ത്രിമാന ദൃശ്യമായാണ് പ്രദർശിപ്പിക്കുന്നത്. നിർമിത ബുദ്ധിയിൽ തയ്യാറാക്കിയ കരുണാനിധിയുടെ ജീവൻ തുടിക്കുന്ന ചിത്രത്തിനൊപ്പം സെൽഫിയെടുക്കാനും സൗകര്യം ഒരുക്കിയിട്ടുണ്ട്. കരുണാനിധി ശതാബ്ദി ആഘോഷങ്ങളുടെ ഭാഗമായാണ്…

ചെന്നൈ : മധ്യവേനൽ അവധിക്കുശേഷം തമിഴ്‌നാട്ടിൽ സ്കൂളുകൾ തിങ്കളാഴ്ച തുറക്കും. ജൂൺ മൂന്നിന് തുറക്കാനായിരുന്നു തീരുമാനിച്ചിരുന്നതെങ്കിലും ചൂടുകാരണം നീട്ടുകയായിരുന്നു. കുട്ടികളെ സ്വീകരിക്കാൻ ക്ലാസ് മുറികൾ അലങ്കരിച്ചും സമ്മാനങ്ങൾ കരുതിവെച്ചും വിദ്യാലയങ്ങൾ ഒരുങ്ങി. ചെന്നൈയിലെ മലയാളവിദ്യാലയങ്ങൾ വിപുലമായ ചടങ്ങുകളോടെ പ്രവേശനോത്സവം നടത്തും. കേരള വിദ്യാലയത്തിലും മലയാള വിദ്യാലയത്തിലും പാടി യു.സി.സി. കൈരളി സ്കൂളിലും, സാലിഗ്രാമം വിദ്യാക്ഷേത്രം സ്കൂളിലും എം.ഇ.എസ്. റസീന സ്കൂളിലും ഉൾപ്പെടെ വമ്പിച്ച പ്രവേശനോത്സവ ഒരുക്കങ്ങളാണ് നടത്തിയത്. സർക്കാർ സ്കൂളുകളിൽ സ്കൂൾ തുറക്കുന്ന ദിവസം മുൻ മുഖ്യമന്ത്രി എം. കരുണാനിധിയുടെ ജന്മദിനത്തിന്റെ ഭാഗമായി ശർക്കര…

ചെന്നൈ : കനത്തമഴയെത്തുടർന്ന് ചെന്നൈയിൽ നിന്നുള്ള വിമാനസർവീസുകൾ വൈകി. ഇവിടെനിന്ന് പുറപ്പെടേണ്ട 18 വിമാനങ്ങളാണ് വൈകിയത്. വ്യാഴാഴ്ച രാത്രി മുതൽ വെള്ളിയാഴ്ച രാവിലെ വരെയുള്ള സർവീസുകളാണ് വൈകിയത്. മഴയെത്തുടർന്ന് റൺവേയിൽ വെള്ളംകയറിയതും ശക്തമായ ഇടിയും മിന്നലുമുണ്ടായതും കണക്കിലെടുത്ത് ഏറെനേരം വിമാനങ്ങൾ പുറപ്പെടുന്നത് വൈകിപ്പിക്കുകയായിരുന്നു. ഡൽഹി, കൊൽക്കത്ത, െബംഗളൂരു, മധുര, തിരുച്ചിറപ്പള്ളി, ഗോവ, കൊച്ചി തുടങ്ങിയ സ്ഥലങ്ങളിലേക്കുള്ള വിമാനസർവീസുകളെയാണ് മഴബാധിച്ചത്. വിവിധയിടങ്ങളിൽനിന്ന് ചെന്നൈയിലേക്കുള്ള 17 വിമാനങ്ങൾ എത്താനും വൈകി. യാത്രക്കാരുടെ സുരക്ഷയെ കരുതിയാണ് സർവീസുകൾ വൈകിപ്പിക്കാൻ തീരുമാനിച്ചതെന്ന് വിമാനത്താവളം അധികൃതർ അറിയിച്ചു.