Day: 4 June 2024

ചെന്നൈ : കാലാവസ്ഥാവ്യതിയാനത്തെത്തുടർന്ന് തമിഴ്നാട്ടിൽ മുല്ലപ്പൂവിളവ് കുറഞ്ഞു. കൃത്യമായി മഴ ലഭിക്കാത്തതിനാലാണ് വിളവ് കുറഞ്ഞതെന്നും കയറ്റുമതിചെയ്യാൻ സർക്കാർ നടപടിയെടുക്കാത്തതിനാൽ മുല്ലപ്പൂവിന്റെ വില കുറഞ്ഞെന്നും കർഷകർ ആരോപിച്ചു. മുല്ലപ്പൂ കയറ്റുമതിചെയ്യാൻ ആവശ്യമായ നടപടിയെടുക്കുമെന്ന് 2023-ൽ മുഖ്യമന്ത്രി എം.കെ. സ്റ്റാലിൻ വാഗ്ദാനംചെയ്തിരുന്നു. മുഖ്യമന്ത്രിയുടെ പ്രസ്താവന വിശ്വസിച്ച് കൂടുതൽ സ്ഥലത്ത് മുല്ലപ്പൂ കൃഷിചെയ്തു. 2022-2023-ൽ 1574 ഹെക്ടറിലാണ് കൃഷിചെയ്തിരുന്നത്. 2023-2024-ൽ 1711 ഹെക്ടറിൽ കൃഷിചെയ്തു. മഴ ലഭിക്കാത്തതും കടുത്തചൂടും കാരണം ഉത്പാദനം പകുതിയായി കുറഞ്ഞു. കയറ്റുമതിചെയ്യാൻ സർക്കാർ കൂളർ ബോക്സുകൾ നൽകുമെന്ന് അറിയിച്ചിരുന്നു. എന്നാൽ, ആ വാഗ്ദാനവും സർക്കാർ…

ചെന്നൈ : തമിഴ്നാട്ടിൽ സർക്കാർ, എയ്ഡഡ് സ്കൂളുകളിലെ 37 ലക്ഷം വിദ്യാർഥികൾക്ക് സേവിങ്സ് അക്കൗണ്ട് തുറക്കാനുള്ള സമഗ്രപദ്ധതിക്ക് തുടക്കമായി. മൂന്നുമുതൽ പന്ത്രണ്ടാം ക്ലാസുവരെയുള്ള കുട്ടികളുടെ പേരിലാണ് പോസ്റ്റ്ഓഫീസുകളിൽ അക്കൗണ്ടുകൾ തുറക്കുക. ഇതിന്റെ ഭാഗമായി സംസ്ഥാന വിദ്യാഭ്യാസവകുപ്പും തപാൽവകുപ്പും ധാരണാപത്രം ഒപ്പുവെച്ചു. ജൂൺ പത്തിന് സ്കൂൾ തുറന്നാലുടൻ നടപടികളാരംഭിക്കും. ഉന്നതവിദ്യാഭ്യാസത്തിന് ചേരുന്നതിനു മുമ്പായി സംസ്ഥാന സർക്കാരിന്റെ ക്ഷേമപദ്ധതികൾ പ്രയോജനപ്പെടുത്തുന്നതിനുള്ള വഴികൾ സുഗമമാക്കാൻ അക്കൗണ്ടുകളിലൂടെ സാധിക്കും. സ്കോളർഷിപ്പുകൾ ഉൾപ്പെടെയുള്ള സർക്കാർ ആനുകൂല്യങ്ങൾ ലഭിക്കാൻ അക്കൗണ്ട് ആവശ്യമാണ്. അവസാനനിമിഷം അക്കൗണ്ടിനായി നെട്ടോട്ടമോടേണ്ട പ്രയാസങ്ങളും ഒഴിവാക്കാം. അതത്‌ സ്‌കൂളുകൾക്ക് സമീപമുള്ള…

ചെന്നൈ : ലോക്‌സഭാ തിരഞ്ഞെടുപ്പിന്റെ വോട്ടെണ്ണൽ ​ഇന്ന് നടക്കാനിരിക്കെ, സംസ്ഥാനത്ത് സുരക്ഷയ്ക്കായി ഒരു ലക്ഷം പോലീസുകാരെ നിയോഗിക്കും. ഒരു വോട്ടെണ്ണൽ കേന്ദ്രത്തിൽ 1000 പോലീസുകാരുണ്ടാകും. വോട്ടെണ്ണൽ കേന്ദ്രങ്ങൾക്കുമാത്രമായി 40,000 പേരുണ്ടാകും. പ്രശ്നബാധിത പ്രദേശങ്ങളിൽ കൂടുതൽ പോലീസിനെ നിയോഗിക്കും. ദ്രുതകർമസേനയും ഉണ്ടായിരിക്കും. ഇതിനുപുറമെ, 15 കമ്പനി അർധസൈനികരെയും നിയോഗിച്ചിട്ടുണ്ടെന്ന് സംസ്ഥാന ഡി.ജി.പി. ശങ്കർ ജിവാൽ പറഞ്ഞു. ശക്തമായ സുരക്ഷാസംവിധാനങ്ങളാണ് സംസ്ഥാനത്തെല്ലായിടത്തും ഒരുക്കിയിരിക്കുന്നതെന്ന് സംസ്ഥാന ഡി.ജി.പി. പറഞ്ഞു. പൊതുസ്ഥലങ്ങൾ, ആരാധനാലയങ്ങൾ എന്നിവിടങ്ങളിലും സുരക്ഷ ശക്തിപ്പെടുത്തുമെന്നും അദ്ദേഹം പറഞ്ഞു. ചെന്നൈയിൽ വോട്ടെണ്ണുന്ന അണ്ണാ സർവകലാശാല, ക്യൂൻ മേരീസ് കോളേജ്,…