Category: TAMILNADU

ചെന്നൈ : വിവിധ ആവശ്യങ്ങൾക്കുള്ള സ്റ്റാമ്പ് ഡ്യൂട്ടി കുത്തനെ ഉയർത്തിക്കൊണ്ട് തമിഴ്‌നാട് സർക്കാർ ഉത്തരവിറക്കി. ചില ഇനങ്ങളിൽ 33 ഇരട്ടിവരെയാണ് വർധന. കരാർ ഒപ്പുവെക്കുന്നതിനും കരാർ റദ്ദാക്കുന്നതിനും പാട്ടത്തിനെടുക്കുന്നതിനും മറ്റുമടക്കം 20 ആവശ്യങ്ങൾക്കുള്ള മുദ്രപ്പത്രത്തിന് വിലയേറും.

ചെന്നൈ : തമിഴ്‌നാട്ടിൽ എസ്.എസ്.എൽ.സി. ഫലം വെള്ളിയാഴ്ച. തമിഴ്‌നാട് ഡയറക്‌ടറേറ്റ് ഓഫ് ഗവ. എക്‌സാമിനേഷൻസ്(ടി.എൻ.ഡി.ജി.ഇ.) രാവിലെ 9.30-ന് dge.tn.gov.in, tnresults.nic.in എന്നീ വെബ്‌സൈറ്റുകൾവഴി ഫലംപ്രഖ്യാപിച്ചു. രജിസ്‌ട്രേഷൻ നമ്പറോ റോൾ നമ്പറോ വെബ്‌സൈറ്റിൽ എന്റർ ചെയ്ത് tn sslc scorecard എന്ന പാസ്‌വേഡ് നൽകിയാൽ ഫലം അറിയാം.

ചെന്നൈ: പാമ്പൻ ദ്വീപിനെയും രാമേശ്വരത്തെയും വൻകരയുമായി ബന്ധിപ്പിക്കുന്ന പുതിയ റെയിൽപ്പാലത്തിന്റെ നിർമാണം നിർണായകഘട്ടത്തിലേക്ക്. കപ്പൽ വരുമ്പോൾ കുത്തനെ ഉയരുന്ന ഭീമൻ ലിഫ്റ്റ് സ്പാൻ ഘടിപ്പിക്കുന്ന ശ്രമകരമായ ജോലിയാണ് നടക്കുന്നത്. ജൂൺ 30-ഓടെ നിർമാണം പൂർത്തിയാക്കാനാണ് റെയിൽ വികാസ് നിഗത്തിന്റെ പദ്ധതി. പ്രക്ഷുബ്ധമായ കടലിൽ 2.08 കിലോമീറ്റർ നീളത്തിൽ നിർമിക്കുന്ന പാലത്തിന്റെ 331 കാലുകളും 99 ഗർഡറുകളും സ്ഥാപിച്ചു. കപ്പൽ കടന്നുപോകുമ്പോൾ തുറന്നുകൊടുക്കുന്ന ലിഫ്റ്റ് സ്പാനാണ് ഇനിഘടിപ്പിക്കാനുള്ളത്. 72.5 മീറ്റർ നീളവും 16 മീറ്റർ വീതിയും 550 ടൺ ഭാരവുമുള്ള സ്പാൻ പാലത്തിനുമുകളിലൂടെ രാമേശ്വരം ഭാഗത്തേക്ക്…

ചെന്നൈ : കാലംതെറ്റി പെയ്ത കനത്തമഴമൂലം വിളവ് കുറഞ്ഞതോടെ തമിഴ്നാട്ടിൽ ചക്കയ്ക്ക്‌ തീവില. തമിഴ്‌നാട്ടിലെ സ്വാദിഷ്ഠമായ പഴുത്ത പൺറൂട്ടി ചക്കയ്ക്ക് 800 രൂപവരെയാണ് വില. കഴിഞ്ഞവർഷം ഇത് 200 മുതൽ 400 രൂപവരെയായിരുന്നു. കടലൂർ ജില്ലയിലെ പൺറൂട്ടിയിലാണ് ഏറ്റവും കൂടുതൽ ചക്ക വിളയുന്നത്. തമിഴ്‌നാട്ടിൽ സാധാരണയായി പ്രതിവർഷം 45,000- 50,000 മെട്രിക്ക് ടൺവരെയാണ് ചക്ക വിളയുന്നത്. എന്നാൽ ഈ വർഷം കഴിഞ്ഞവർഷത്തെ അപേക്ഷിച്ച് ഉത്പാദനം മൂന്നിലൊന്നായി ചുരുങ്ങി. ഒരു പ്ലാവിൽ സാധാരണ 150 മുതൽ 250 ചക്കവരെ വിളയാറുണ്ടെന്ന് കർഷകർ പറയുന്നു. ഇപ്പോൾ ഇതും…

ചെന്നൈ : സേലം വിമാനത്താവളത്തിൽനിന്നും കൂടുതൽ സർവീസുകൾ തുടങ്ങാൻ അനുമതി. മധുര, തിരുച്ചിറപ്പള്ളി, തിരുപ്പതി, മുംബൈ, ചെന്നൈ, പുതുച്ചേരി, ബെംഗളൂരു എന്നിവിടങ്ങളിലേക്ക് വിമാനസർവീസുകൾ നടത്താൻ കേന്ദ്ര സിവിൽ വ്യോമയാന മന്ത്രാലയം അനുമതി നൽകിയതായി വിമാനത്താവള ഡയറക്ടർ വിജയ് ഉപാധ്യായ അറിയിച്ചു. ജൂലായ് മുതൽ സർവീസുകൾ തുടങ്ങും. നിലവിൽ അലയൻസ് എയർ, ഇൻഡിഗോ കമ്പനികളുടെ വിമാനങ്ങൾ ഹൈദരാബാദ്, കൊച്ചി, ബെംഗളൂരു എന്നിവിടങ്ങളിലേക്ക് ദിവസവും സർവീസ് നടത്തുന്നുണ്ട്.

ചെന്നൈ : ടി. നഗറിലെ ഉസ്മാൻ റോഡിലെ മേൽപ്പാലം സി.ഐ.ടി. നഗറിലേക്ക് നീട്ടുന്നതിന്റെ ഭാഗമായി പാലത്തിന്റെ ഒരുഭാഗത്തെ 120 മീറ്റർ ദൂരത്തിലുള്ള ഭാഗം പൊളിച്ചുമാറ്റുന്ന പണി തുടങ്ങി. രംഗനാഥൻ സ്ട്രീറ്റിന് സമീപമായുള്ള ഭാഗമാണ് പൊളിക്കുന്നത്. സി.ഐ.ടി. നഗറിലേക്ക് നീണ്ടുന്നതോടെ പാലത്തിന്റെ നീളം 1.2 കിലോമീറ്ററായി വർധിക്കും. പ്രവൃത്തികൾ ഡിസംബറിന് മുമ്പായി തീർക്കാനാണുനീക്കം. പാലം നിർമാണത്തിന്റെ ഭാഗമായി ടി. നഗറിൽ ഗതാഗത സംവിധാനത്തിൽ മാറ്റംവരുത്തിയിട്ടുണ്ട്. നിർമാണം പൂർത്തിയാകുന്നതോടെ ടി. നഗറിലെ ഗതാഗതക്കുരുക്കിന് പരിഹാരമാകുമെന്ന് അധികൃതർ പറയുന്നു.

ചെന്നൈ : ചെന്നൈയിലും തമിഴ്‌നാടിന്റെ പലജില്ലകളിലും മഴ പെയ്തു. ചെന്നൈ സെൻട്രൽ, എഗ്‌മോർ, പുരുഷവാക്കം, ഗിണ്ടി, കോടമ്പാക്കം, നുങ്കമ്പാക്കം, സൈദാപ്പേട്ട്, ആലന്തൂർ, മീനമ്പാക്കം, സൈദാപ്പേട്ട, ആലന്തൂർ, മീനമ്പാക്കം, ക്രോംപ്പേട്ട, പല്ലാവരം, അശോക് നഗർ, അഡയാർ, മൈലാപ്പൂർ, വടപളനി, താംബരം,വണ്ണാരപ്പേട്ട, തൗസന്റ് ലൈറ്റ്‌സ്, നന്ദനം ഉൾപ്പെടെയുള്ള ഭാഗങ്ങളിൽ മിതമായ മഴ പെയ്തു. അതോടെ കടുത്ത ചൂടിൽ നിന്ന് നഗരത്തിന് അല്പം ആശ്വാസം ലഭിച്ചു. കടലൂർ, വിഴുപുരം, കള്ളക്കുറിച്ചി എന്നീ ജില്ലകളിലും മഴ പെയ്തു. അടുത്ത അഞ്ചുദിവസം കൂടി തമിഴ്‌നാടിന്റെ പല ജില്ലകളിലും ശക്തമായമഴ പെയ്യുമെന്ന് കാലാവസ്ഥാകേന്ദ്രത്തിൽ…