Category: TAMILNADU

ചെന്നൈ : ലോക്‌സഭാ തിരഞ്ഞെടുപ്പ് കഴിയുന്നതോടെ അണ്ണാ ഡി.എം.കെ. യുടെ നിയന്ത്രണം ടി.ടി.വി. ദിനകരന്റെ കൈകളിൽ എത്തുമെന്ന് ബി.ജെ.പി. സംസ്ഥാന അധ്യക്ഷൻ കെ. അണ്ണാമലൈ. തേനിയിൽ എൻ.ഡി.എ. സഖ്യത്തിന് വേണ്ടി മത്സരിക്കുന്ന ദിനകരന് വേണ്ടി പ്രചാരണം നടത്തുകയായിരുന്നു അണ്ണാമലൈ. എടപ്പാടി പളനിസ്വാമി അണ്ണാ ഡി.എം.കെ. യെ കരാറുകാർക്ക് നൽകിയിരിക്കുകയാണ്. എന്നാൽ പ്രവർത്തകർ ദിനകരന് ഒപ്പമാണ്. ഇത് ലോക്‌സഭാ തിരഞ്ഞെടുപ്പ് കഴിയുന്നതോടെ വ്യക്തമാകും. അണ്ണാ ഡി.എം.കെ. യുടെ നേതൃത്വം നേരത്തേ തന്നെ ദിനകരന് ലഭിച്ചിരുന്നുവെങ്കിൽ സ്റ്റാലിന് ഒരിക്കലും മുഖ്യമന്ത്രി സ്ഥാനം നേടാൻ സാധിക്കില്ലായിരുന്നുവെന്നും അണ്ണാമലൈ പറഞ്ഞു.…

ചെന്നൈ : പോലീസുകാർ തപാൽ വോട്ട് ചെയ്യാൻ തുടങ്ങി. വോട്ടെടുപ്പ് ദിവസം ഇവർ തിരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെടുമെന്നതിനാലാണ് തപാൽ വോട്ട് ചെയ്യാനുള്ള സൗകര്യമൊരുക്കിയത്. സംസ്ഥാനത്ത് 1.90 ലക്ഷം പോലീസുകാരുണ്ട്. ഇതിൽ 19,000 പോലീസുകാർ ചെന്നൈയിലാണ്. തപാൽ വോട്ട് ചെയ്യാനായി. സൗത്ത് ചെന്നൈ, സെന്റൽ ചെന്നൈ, നോർത്ത് ചെന്നൈ എന്നിവിടങ്ങളിലായി മൂന്ന് കേന്ദ്രങ്ങൾ ഒരുക്കിയിട്ടുണ്ട്. വെള്ളിയാഴ്ചവരെയാണ് വോട്ട് ചെയ്യാനുള്ള അനുമതി നൽകിയിരുന്നത്

ചെന്നൈ : തമിഴ്‌നാട്ടിലെ 11 ജില്ലകളിൽ രാമനവമി യാത്രയ്ക്ക് മദ്രാസ് ഹൈക്കോടതി അനുമതി നിഷേധിച്ചു. ലോക്‌സഭാ തിരഞ്ഞെടുപ്പ് നടക്കുന്നതിനാൽ ക്രമസമാധാനപ്രശ്നത്തിനിടയാക്കുമെന്ന് വ്യക്തമാക്കിയാണ് യാത്ര കടന്നുപോകുന്ന ജില്ലകളിൽ ഹൈക്കോടതി അനുമതി നിഷേധിച്ചത്. ശ്രീ ആഞ്ജനേയം എൻഡോവ്‌മെന്റ് ട്രസ്റ്റ് നൽകിയ ഹർജിയിലാണ് കോടതിയുടെ ഉത്തരവ്. നേരത്തേ യാത്രയ്ക്ക് അനുമതിചോദിച്ച് ട്രസ്റ്റ് തമിഴ്നാട് സർക്കാരിനെ സമീപിച്ചിരുന്നെങ്കിലും അനുമതി നൽകിയിരുന്നില്ല. തുടർന്നാണ് ഹൈക്കോടതിയെ സമീപിച്ചത്. മലപ്പുറത്തുനിന്ന് 12-നാണ് യാത്ര തുടങ്ങുന്നത്. തമിഴ്നാട്ടിലെ നീലഗിരി, കോയമ്പത്തൂർ, തിരുപ്പൂർ, ദിണ്ടിഗൽ, മധുര ഉൾപ്പെടെ 11 ജില്ലകളിലൂടെ കടന്നുപോയി 17-നാണ് യാത്ര കന്യാകുമാരിയിൽ അവസാനിക്കേണ്ടത്.…

ചെന്നൈ : കടുത്ത ചൂടിന് ശമനമേകി തെങ്കാശി, തൂത്തുക്കുടി, മധുര, രാമനാഥപുരം ജില്ലകളുടെ പല ഭാഗങ്ങളിലും മഴ പെയ്തു. കഴിഞ്ഞ രണ്ടുമാസമായി തുടരുന്ന കടുത്ത ചൂടിന് ഇതോടെ താത്കാലിക ശമനമായി. അഞ്ച് ദിവസംകൂടി തെക്കൻ ജില്ലകളിൽ വേനൽമഴയ്ക്ക് സാധ്യതയുണ്ട്.